1 SAMUEL 2:29 - Khasi CL Bible (BSI)

²⁹ Balei mynta pat, me da kwah rhah sa ïa ki jingkñia bad ki jingainguh ba nga dawa na la ki briew? Balei Eli ba me kham ai burom ïa la ki khun shynrang ban ïa nga da kaba me shah ba kin pynsngaid ïa lade da ki bynta kiba bha tam na ki jingkñia ba ki briew ki ai ha nga?

KA BAIBL

²⁹ Balei te phi ïuhbeiñ ïa ka jingkñia jong nga bad ïa ka jingainguh jong nga, kiba nga la hukum ban long ha ka jaka shong jong nga: ba me kham pyndonburom ruh ïa la ki khun ban ïa nga, phi da pynsngaid ïa lade da kita ki jingainguh baroh ki babha tam ki jong ki briew jong nga ki Israel?’

1 SAMUEL 2:29 ပူးပေါင်းရင်းမြစ်များ

2 SYIEM 12:6

Hynrei kat haduh ka snem kaba arphew lai jong ka jingsynshar u Joash ki lyngdoh kim pat shym la shna pynbha ïa ka Templ.

SALM 26:8

Nga ieit ïa ka ïing ha kaba me shong, A Trai, ka jaka ha kaba ka burom jong me ka don.

ESEKIEL 13:19

Phi pynjahburom ïa nga ha khmat ki briew jong nga khnang ban ïoh katto katne kham u barli bad khyndiat tylli ki lyngkhot kpu. Phi pynïap ïa ki briew ki bym dei hok ban ïap, bad phi pynsah im ïa ki briew ki bym dei hok ban im. Kumta phi ïathuh ki jinglamler ha ki briew jong nga, bad ki ngeit ïa phi.”

ESEKIEL 34:10

Ma nga, U Trai Nongsynshar, nga pynbna ba nga long u nongshun jong phi. Ngan shim noh ïa ki langbrot jong nga na phi, bad ngan ym shah shuh ba phin long ki nongsharai jong ki; ngan ym shah shuh ba phin sumar bha tang ïa lade. Ngan pyllait im ïa ki langbrot jong nga na phi bad ngan ym shah ba phin bam ïa ki.

ESEKIEL 34:2

“Ko khun u briew,” u la ong, “to kren pyrshah ïa ki nongsynshar ka Israel. Ïathuhlypa ha ki, bad ïathuh ha ki ïa kaei kaba ma nga, U Trai Nongsynshar nga ong ha ki: Phi long ki bym don jingkyrmen shuh, a phi ki nongsharai ka Israel! Phi sumar bha tang ïa lade, hynrei phim ju bsa bha ïa ki langbrot.

HOSIA 4:8

Phi kylla riewspah na ki pop ki briew jong nga, bad kumta phi kwah ïa ki ban nang leh pop shuh shuh.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

MATHAÏOS 10:37

“Uno uno uba ieit kham bun shah ïa la u kpa lane ka kmie ban ïa nga um long uba bit ban long u synran jong nga; uno uno uba ieit kham bun shah ïa la u khun lane ka khun ban ïa nga, um long uba bit ban long u synran jong nga.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

DEUTERONOMI 33:9

Ki kham shaniah ïa me Ban ïa la ki kmie ki kpa, ki hynmen ki para, ne ki khun ki kti. Ki kohnguh ïa ki hukum jong me Bad ki ïaineh ha ka jutang jong me.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

JOSHUA 18:1

Hadien ba ki la jop ïa ka ri, ka kynhun Israel baroh kawei ka la ïalumlang ha Shiloh bad pynïeng ïa ka Ïingjaiñ Ka Jingdon Ryngkat U Trai.

1 SAMUEL 3:13

Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.