1 SAMUEL 2:28 - Khasi CL Bible (BSI)

²⁸ Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.

KA BAIBL

²⁸ Nga ngam shym la jied ïa u ruh na ki jaid Israel baroh ban long u lyngdoh jong nga, ban leit kiew ha ka duwan jong nga, ban thang ka jingiwbih, bad ban phong ïa ka ephod ha khmat jong nga? ngam shym la aiti ruh ha ka ïing u kpa jong me ïa ki jingainguh baroh kiba da ka ding ki jong ki khun Israel?

1 SAMUEL 2:28 ပူးပေါင်းရင်းမြစ်များ

2 SAMUEL 12:7

“Phi long uta u briew,” u Nathan u ong ha u Dabid. “Bad kane ka dei kaei kaba U Trai U Blei ki Israel u ong: ‘Nga la pynlong ïa me u syiem Israel bad pyllait im ïa me na u Saul.

2 SAMUEL 6:14

U Dabid, uba shu pien tang da ka jaiñ linen, u la shadkmen da ka bor jong u baroh ban burom ïa U Trai.

EKSODOS 28:1

“Khot ïa u Aaron u hynmen jong me bad ïa ki khun shynrang jong u, u Nadab, u Abihu, u Eleasar, bad u Ithamar. Pynkyrpang ïa ki na ki Israel khnang ba kin shakri ïa nga kum ki lyngdoh.

EKSODOS 28:4

Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

EKSODOS 30:7

Man ka step haba u Aaron u wan ban pynkhreh ïa ki sharak, u dei ban thang ïa ka jingiwbih halor jong ka.

EKSODOS 30:8

Un leh kumjuh haba u wan ban pynmeh ïa kita ki sharak ha ka por janmiet. Ïa kane ka jingainguh iwbih dei ban ïai leh khlem sangeh ha ki por baroh.

LEBITIKOS 2:10

Kaba sah na kata ka jingainguh ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 2:3

Kaba sah na kata ka jingainguh bam ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 6:16

Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

LEBITIKOS 7:32

Ïa ka kjat-dien kamon jong u mrad yn ai kum ka jingai kaba kyrpang

LEBITIKOS 7:36

Ha kata ka sngi U Trai u la hukum ïa ki paid Israel ban ai ïa kane ka bynta jong ka jingainguh. Ka dei ka aiñ ba ki paid Israel ki dei ban kohnguh pateng la pateng.

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

JINGKHEIÑ 18:19

“Nga ai ha me, ha ki khun shynrang bad kynthei jong me, ha ki por ki ban wan baroh ïa ki jingai bakyrpang baroh ba ki Israel ki ai ha nga. Kane ka long ka jutang bym lah pynkheiñ kaba nga la pynlong bad me lem bad ki khun ki ksiew jong me.”

1 SAMUEL 14:3

(U lyngdoh uba rah ïa ka ephod u dei u Ahijah, u khun jong u Ahitub uba shi para bad u Ikhabod, uba dei u khun jong u Phinehas bad u khun ksiew jong u Eli, u lyngdoh jong U Trai ha Shiloh.) Ki rangbah kim shym tip ba u Jonathan u la lah mih.

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.