1 SAMUEL 2:25 - Khasi CL Bible (BSI)

²⁵ Lada u briew u leh pop pyrshah ïa la u parabriew, U Blei u lah ban ïasaid na ka bynta jong u; hynrei mano ba lah ban ïasaid na ka bynta u briew uba leh pop pyrshah ïa U Trai?” Hynrei kim shym sngap ïa la u kpa, naba U Trai u la thmu ban pynïap ïa ki.

KA BAIBL

²⁵ Lada u briew un leh pop ïa u parabriew, U Blei un bishar ïa u; hynrei, lada u briew un leh pop ïa U Trai, uei u ban ïasaid na ka bynta jong u?” Pynban, kim shym sngap ïa ka ktien u kpa jong ki, naba U Trai u la thew ban pynïap noh ïa ki.

1 SAMUEL 2:25 ပူးပေါင်းရင်းမြစ်များ

JENESIS 38:10

Kata kaba u leh ka la pynsngewsih ïa U Trai, bad U Trai u la pynïap noh ïa u ruh.

JENESIS 38:7

Ka rukom im jong u Er ka long bymman, bad kata ka la pynsngewsih ïa U Trai, kumta U Trai u la pynïap noh ïa u.

1 SYIEM 8:31

“Haba u briew u shah mudui ba u leh bymdei ïa uwei pat, bad la wallam sha ka duwan jong me ha kane ka Templ ban shim ïa ka jingsmai ba u long uba lui lui,

1 SYIEM 8:32

A Trai, to shahshkor na bneng bad bishar ïa ki shakri jong me. Pynshitom ïa uta u nongleh palat kumba ka dei hok ïa u ban ïoh, bad pynksan ïa uta uba lui lui.

2 KHRONIKL 10:15

Ka long ka mon jong U Trai U Blei ban pynjia ïa kaei ba u la kren ha u Jeroboam u khun jong u Nebat lyngba u Ahijah u nongïathuhlypa na Shiloh. Kane ka long balei ba u syiem um shym la shahshkor ïa ki briew.

2 KHRONIKL 25:16

“Naduh mynno,” u Amasaïah u kynrup ktien, “ba ngi la pynlong ïa me u nongai jingmut ïa u syiem? Sangeh ban kren, ïoh ngan pynïap ïa me!” U nongïathuhlypa u la sngap, hynrei ym shuwa ba un ong, “Mynta nga tip ba U Blei u la thmu ban pynjot ïa me namar ba me la leh ïa kane baroh bad ba mem shym sngap ïa ka jingai jingmut jong nga.”

Ka Kitab U Job 9:33

Hynrei ym don uno uno uba wan hapdeng jong ngi — ym don u ban bishar ïa U Blei bad ïa nga.

SALM 51:16

Mem kwah ïa ki jingkñia, ne ngan jin da la ai ïa ki; mem sngewbha ïa ki jingainguh thang.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

PROBERB 13:1

Ki khun kiba stad ki shahshkor haba ki kmie ki kpa ki pynbeit ïa ki, hynrei ki briew kiba sarong da lei lei kin ym phla ba ki la bakla.

PROBERB 15:10

Lada phi leh ïa kaei ka bymdei, yn pynshitom sat ïa phi; phin ïap lada phim ailad ban pynbeit ïa phi.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

JINGKHEIÑ 15:30

“Hynrei mano mano ba leh pop khnang, la ki dei ki traishnong ne ki nongwei, ki long kiba la rem ba kim ñiewkor ïa U Trai, bad ki dei ban shah pynïap,

DEUTERONOMI 1:17

Wat ïashah liang ha ki rai jong phi; bishar ïa uwei pa uwei ha kajuh ka nongrim, kam pher la u long uba kumno kumno. Wat sheptieng ïano ïano, naba ki rai kiba phi ai ki wan na U Blei. Lada kano kano ka kam ïakajia ka eh than ïa phi ban rai, wallam ïa ka sha nga, bad ngan rai ïa ka.’

DEUTERONOMI 2:30

“Hynrei u syiem Sihon um shah ïa ngi ban ïaid lynti na ka ri jong u. Naba U Trai U Blei jong phi u la pyneh ïa ka mynsiem jong u bad u la pynlong mutlop ïa u, khnang ba ngin ïoh jop bad shim ïa ri jong u ïa kaba ngi dang bat haduh mynta.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.

1 SAMUEL 3:14

Namar kata nga la pynbna da ka jingsngewkhia ba ha ka ïing u Eli yn ym don jingkñia lane ka jingainguh kaba lah ban weng noh ïa kane ka pop bashyrkhei ba ka ïing jong u ka la leh.”