1 SAMUEL 2:20 - Khasi CL Bible (BSI)

²⁰ Nangta u Eli u ju kyrkhu ïa u Elkanah bad ka tnga jong u, bad u ong ha u Elkanah, “To U Trai un ai shuh ki khun ïa phi na kane ka briew ha ka jaka uta uba phi la aiti sha u.” Hadien kata ki sa leit phai sha la ïing.

KA BAIBL

²⁰ Te u Eli u la kyrkhu ïa u Elkanah bad ïa ka tnga jong u, bad u la ong, “To U Trai un ai symbai ha me na kane ka briew namar kata ka jingai kylliang kaba la ai kylliang ha U Trai.” Te ki la leit wan noh sha la ïing.

1 SAMUEL 2:20 ပူးပေါင်းရင်းမြစ်များ

JENESIS 14:19

u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram!

MALAKHI 2:15

Hato U Blei um shym la pynlong ïa phi kawei ka met bad mynsiem bad ka? Kaei ka jingthmu jong u ha kane? Ka long ba phi dei ban don ki khun kiba long ki briew jong U Blei da shisha. Te pynthikna ba yn ym don na phi uba pynkheiñ ïa la ka jingkular ha ka tnga jong u.

LOUKAS 2:34

U Simeon u la kyrkhu ïa ki bad u la ong ha ka Mari, ka kmie jong u, “Ïa une u khunlung la jied da U Blei na ka bynta ka jingpynjot bad ka jingpynim ïa kiba bun ha Israel. Un long ka dak na U Blei ïa kaba kiba bun ki briew kin kren pyrshah bad kumta un pynpaw ïa ki jingpyrkhat barieh jong ki.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”

RUTH 4:11

Ki nongïalam bad kita kiwei ki ong, “Ho-oid, ngi long ki sakhi. To U Trai un pynlong ïa ka tnga jong phi kum ka Rakhel bad ka Leah, kiba la kha bun ngut ki khun ïa u Jakob. To phin long uba riewspah ha ka kur Ephrath bad uba pawnam ha Bethlehem.

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”