1 SAMUEL 2:2 - Khasi CL Bible (BSI)

² “Ym don uba khuid kum U Trai; ym don uba kum ma u, ym don nongïada uba kum U Blei jong ngi.

KA BAIBL

² “Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

2 SAMUEL 22:32

U Trai tang ma u hi u long U Blei; U Blei tang ma u hi uba long ka jingïada jong ngi.

2 SAMUEL 7:22

Katno me long uba khraw; A Trai Nongsynshar! Ym don uwei pat uba kum ma me, ngi la ju tip ba dei tang ma me hi uba long U Blei.

1 SYIEM 8:23

bad u duwai, “A Trai U Blei ki Israel, ym don U Blei uba kum ma me ha bneng shajrong ne ha khyndew shapoh! Me bat ïa ka jutang bad me pynpaw ïa la ka jingieit ha la ki jong ki briew kiba kohnguh ïa me naduh ka mynsiem.

SALM 111:9

U pyllaitluid ïa la ki briew, bad u pynlong ka jutang bymjukut bad ki. Uba khuid bad uba khrawbor u long ma u!

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 18:31

Tang U Trai hi u long U Blei; tang U Blei hi u long u nongkyrshan jong ngi.

SALM 71:19

Ka hok jong me, A Blei, ka kot ïa ki sahit bneng. Me la leh ïa kiei kiei kiba khraw, ym don mano mano uba kum ma me.

SALM 71:3

To long ka jakarieh kaba skhem jong nga, ka kut bakhlaiñ ban ïada ïa nga; me long ka jakarieh bad ka jingkyrshan jong nga.

SALM 73:25

Nga don ïano pat ha bneng lait na me? Namar ba nga don ïa me, sa kaei pat nga dang kwah ha ka pyrthei?

SALM 86:8

Ym don u blei kum ma me, A Trai, ym don uba leh kum kaei kaba me la leh.

SALM 89:6

Ym don ha bneng u ba kum ma me, A Trai; ym don ki jingthaw ha bneng uba long mar ryngkat bad me.

SALM 89:8

A Trai U Blei Badonbor Baroh, ym don uba khlaiñbor kum ma me, ha kiei kiei baroh me long uba ïaineh, A Trai.

SALM 99:3

Baroh kin ïaroh ïa ka kyrteng kaba khraw bad kaba kynja syiem jong u. Uba Khuid long ma u!

SALM 99:5

To ïaroh ïa U Trai U Blei jong ngi; to mane ha khmat ka khet jong u! Uba Khuid long ma u!

SALM 99:9

To ïaroh ïa U Trai U Blei jong ngi, bad to mane ha u lum bakyntang jong u! U Trai U Blei jong ngi u long uba khuid.

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

ISAÏAH 40:18

Badno lah ban nujor ïa U Blei? Kumno phi lah ban batai kaei ba u long?

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

JEREMAÏAH 10:6

A Trai, ym don uno uno uba kum ma me; me long uba khrawbor, bad ka kyrteng jong me ka long kaba khraw bad kaba donbor.

LEBITIKOS 11:44

Nga long U Trai U Blei jong phi, bad kumta phi dei ban ri khuid ïa lade, namar nga, nga long uba khuid.

LEBITIKOS 11:45

Nga long U Trai uba la ïalam noh ïa phi na Ijipt khnang ba ngan long U Blei jong phi. Phi dei ban long kiba khuid, namar nga long uba khuid.”

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

Ka Shithi U Paul Sha Ki Nong Rom 15:4

Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

Ka Shithi U Paul Sha Ki Nong Rom 4:8

Suk u briew uba ïa ki pop jong u, U Trai un ym buh jingkynmaw shuh!”

DEUTERONOMI 3:24

‘Ko Trai Nongsynshar, me la pyn-i ha la u shakri dang tang ïa kaba sdang jong ki kam kiba khraw bad kiba phylla jong me. Ym don blei ha bneng ne ha khyndew uba lah ban leh ïa ki kam kiba khraw kiba me, me la leh!

DEUTERONOMI 32:20

‘Ngan ym ïarap shuh ïa ki,’ u ong; ‘bad ngan peit kai kumno kan jia ïa ki. Kine ki dei ki briew kiba mutlop, kiba ym don ka jingïaineh.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

DEUTERONOMI 4:35

U Trai u la pynpaw ha phi ïa kane, ban pynshisha ha phi ba tang ma u hi u long U Blei, bad ba ym don uwei pat lait na u.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

1 PETROS 1:16

Ka Jingthoh Bakhuid ka ong, “To long phi kiba khuid namar nga long uba khuid.”