1 SAMUEL 2:18 - Khasi CL Bible (BSI)

¹⁸ Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.

KA BAIBL

¹⁸ Te u Samuel u la shakri ha khmat U Trai, u dang khynnah, ba la panpoh ïa u da ka ephod linen.

1 SAMUEL 2:18 ပူးပေါင်းရင်းမြစ်များ

2 SAMUEL 6:14

U Dabid, uba shu pien tang da ka jaiñ linen, u la shadkmen da ka bor jong u baroh ban burom ïa U Trai.

1 KHRONIKL 15:27

U Dabid u kup da ka jaiñ linen bani, bad kumjuh ruh ki nongtem nongput, u Khenanaïah u nongïalam jong ki, bad ki Lebi kiba rah ïa ka Synduk. U Dabid u phong ruh ïa ka ephod ba la suh da ka linen.

EKSODOS 28:4

Ong ïa ki ba kin suh ïa kine ki jaiñphong lyngdoh: ka jingdeng shadem, ka ephod, ka barandi, ka sopti ba la suh pynpur itynnat, ka jaiñspong, bad ka jaiñ panpoh. Kin suh ïa kine ki jaiñphong lyngdoh ïa u Aaron bad ki khun shynrang jong u khnang ba kin shakri ïa nga kum ki lyngdoh.

LEBITIKOS 8:7

U pynphong ïa ka sopti bad pynkup ïa ka barandi ha u Aaron, bad u pynteh ïa u panpoh ha ka syngkai jong u. U pynphong ïa ka ephod ha u, bad u pynskhem ïa ka da kaba teh ïa ki jingteh ba la thain itynnat ha ka syngkai jong u.

1 SAMUEL 14:3

(U lyngdoh uba rah ïa ka ephod u dei u Ahijah, u khun jong u Ahitub uba shi para bad u Ikhabod, uba dei u khun jong u Phinehas bad u khun ksiew jong u Eli, u lyngdoh jong U Trai ha Shiloh.) Ki rangbah kim shym tip ba u Jonathan u la lah mih.

1 SAMUEL 2:11

Nangta u Elkanah u leit phai sha la ïing ha Ramah, hynrei u khynnah Samuel u sah ha Shiloh bad u shakri ïa U Trai ha ka jingïalam u Eli u lyngdoh.

1 SAMUEL 2:28

Napdeng ki jait Israel baroh nga la jied ïa ka longïing jong u ban long ki lyngdoh jong nga, ban shakri ha ka duwan, ban thang ïa ka jingiwbih, bad ban phong ïa ka ephod ban ïakren bad nga. Bad nga la ai ha ki ïa ka hok ban ïoh bynta ïa ki jingainguh thang ba-halor ka duwan.

1 SAMUEL 22:18

Kumta u Saul u ong ïa u Doeg, “Ma me, pynïap ïa ki!” — bad u Doeg u la pynïap ïa ki baroh. Ha kata ka sngi u la pynïap phraphew san ngut ki lyngdoh kiba bit ban phong ïa ka ephod.

1 SAMUEL 3:1

Ha kita ki sngi, haba uta u khynnah Samuel, u shakri ïa U Trai hapoh ka jingïalam u Eli, don tang khyndiat eh ki khubor na U Trai; bad ñiar eh ban don ki jingïohipaw.