1 SAMUEL 2:16 - Khasi CL Bible (BSI)

¹⁶ Lada uta u briew u jubab, “Ai ngin leh ïa kaba dei bad ieh kin da thang shuwa ïa ka khleiñ; nangta sa shim katba phi kwah,” uta u shakri u lyngdoh u ju ong, “Em! Ai noh mynta kumne! Lym kumta, ngan shim ïa ka da ka bor!”

KA BAIBL

¹⁶ Bad lada, uno uno ruh u briew u ong ha u, “Hynrei, kin da thang shuwa ïa ka khleiñ, hadien te men shim katba mon ka mynsiem jong me;” u te un da ong, “Em, hynrei men ai mynta keiñ; lym kumta, ngan shim ïa ka da ka bor.”

1 SAMUEL 2:16 ပူးပေါင်းရင်းမြစ်များ

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

LEBITIKOS 3:16

U lyngdoh un thang ïa kine baroh halor ka duwan kum ka jingainguh bam kaba pynsngewbha ïa U Trai. Ka khleiñ baroh ka dei ka jong U Trai.

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

NONGBISHAR 18:25

Ki rangbah na Dan ki ong, “Kan bha ba phin ym bunktien lymda phi kwah ïa kine ki briew ban bitar bad ban kynrup ïa phi. Nangta ma phi bad ka longïing jong phi baroh phin ïap.”

1 SAMUEL 2:15

Nalor kata, wat shuwa ban shim ïa ka khleiñ bad thang ïa ka ruh, u shakri u lyngdoh u ju wan bad ong ha uta u briew uba ai jingkñia, “Ai ïa nga khyndiat ka doh na ka bynta u lyngdoh ban syang; um treh shim ïa ka doh kaba la shet, hynrei tang ïa ka doh im.”

1 SAMUEL 2:17

Kumta ka pop jong ki khun u Eli ka long kaba la shyrkhei palat ha khmat U Trai, namar ba ki la ñiew khlem ka jingburom ïa ki jingainguh ha U Trai.