1 SAMUEL 2:12 - Khasi CL Bible (BSI)

¹² Ki khun shynrang u Eli ki dei ki riewbymman. Kim ju shahshkor ïa U Trai

KA BAIBL

¹² Te ki khun u Eli ki la long ki khun u Belial; kim ithuh ïa U Trai.

1 SAMUEL 2:12 ပူးပေါင်းရင်းမြစ်များ

1 SYIEM 21:10

Pynshong ar ngut ki riewrunar ban mudui pyrshah ïa u, ba u la tim ïa U Blei bad ïa u syiem jong u. Nangta sei ïa u shabar ka nongbah bad lynthem maw ïa u haduh ba un da ïap.”

1 SYIEM 21:13

Kita ki ar ngut ki riewrunar ki kynnoh pyrshah ïa u ha khmat u paidbah ba u la tim ïa U Blei bad ïa u syiem. Bad kumta la sei ïa u shabar ka nongbah bad lynthem maw ha ban da ïap.

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 22:16

U bishar hok ïa kiba duk, bad baroh ki ïaid beit bad u. Kata ka long ka jingmut ban ithuh ïa U Trai.

JEREMAÏAH 9:3

Ki long borabor kiba kloi ban ïathuh lamler; ka jingbymhok ha ka jaka jong ka jingshisha, ka synshar ïa ka ri. U Trai u ong, “Ki briew jong nga ki leh ïa kawei kaba sniew hadien kawei pat bad kim shym pdiang ïa nga kum U Blei jong ki.”

ESEKIEL 22:26

Ki lyngdoh ki pynkheiñ ïa ka aiñ jong nga bad kim burom ïa kaei kaba khuid. Kim pynïapher hapdeng kaei kaba khuid bad kaei ka bymkhuid. Kim hikai ïa ka jingïapher hapdeng kiba khuid bad kiba jakhlia, bad kim suidñiew ïa ka Sabbaton. Kaba mih ka long ba ki paid Israel kim ñiewkor ïa nga.

ÏOANNIS 16:3

Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 8:55

Phim pat ju ithuh ïa u, hynrei nga ithuh ïa u. Lada nga la ong ba ngam ithuh ïa u, ngan long u nongshukor kum ma phi. Hynrei nga ithuh ïa u, bad nga kohnguh ïa ka ktien jong u.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

2 KORINTH 6:15

Kumno U Khrist bad u Ksuid kin ïahap jingmut? Kumno uba ngeit u don bynta bad u bymngeit?

DEUTERONOMI 13:13

ba don ki riewbymman napdeng jong phi kiba la ïalam bakla ïa la ki para shnong para thaw ban mane ïa ki blei kiba phim ju mane mynno mynno.

DEUTERONOMI 13:14

Leit tohkit bniah shaphang kata; bad lada ka long kaba shisha ba la leh kum ïa kata ka kam bymman,

NONGBISHAR 19:22

Katba ki dang pynsngewbha ïa lade kumta, kynsan kynsan la don ki riewthala na kata ka shnong ki kerkut ïa kata ka ïing, ki da tied tyngeh ïa ka jingkhang. Ki ong ha uta u tymmen, “Sei shabar ïa uto u briew uba rung ha ïing jong phi! Ngin ïathiah shongkha bad u!”

NONGBISHAR 2:10

Kata ka pateng bynriew baroh ka la ïap, bad ka pateng bynriew kaba bud ka la klet ïa U Trai bad ïa kaei kaba u la leh na ka bynta ki Israel.

1 SAMUEL 10:27

Hynrei don ki riewkai kiba ong, “Kumno da kum une u briew u lah ban lehbha ïa ngi?” Ki ibeiñ ïa u Saul bad kim shym wanrah ïa u kano kano ka jingai sngewbha.

1 SAMUEL 25:17

Sngewbha da pyrkhat shaphang kane bad sa rai ïa kaei ban leh. Kane ka lah ban long kaba shyrkhei ïa u kynrad jong ngi bad ïa ka longïing jong u baroh. U long uba sniew jinglong ba un ym sngap ïano ïano ruh!”

1 SAMUEL 3:13

Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.