1 SAMUEL 2:10 - Khasi CL Bible (BSI)

¹⁰ Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”

KA BAIBL

¹⁰ Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Nangta U Trai u la kyrhuh na suiñbneng, bad ïa ka sur jong U Blei Badonbor Baroh la ïohsngew.

2 SAMUEL 7:13

Un dei ma u, u ban tei ka templ ïa nga, bad ngan pynthikna ba ka longïing syiem jong u kan ïaineh.

2 SAMUEL 7:8

“Kumta ïathuh ha u shakri jong nga u Dabid ba nga U Trai Badonbor Baroh nga ong ha u, ‘Nga la shim ïa me na kaba sharai ïa ki langbrot ha ki pyntha phlang, bad nga la thung ïa me u nongsynshar ïa ki briew jong nga ki Israel.

Ka Kitab U Job 40:9

Hato me long uba khlaiñ kum ma nga? Hato ka sur jong me ka kyrhuh jam kum ka jong nga?

SALM 132:17

Hangne ngan pynlong u syiem uba khraw ïa uwei na ki khun ki ksiew u Dabid; hangne ngan pynneh ïa ka jingsynshar jong u syiem ba la jied jong nga.

SALM 148:14

U pynlong ïa ka hima jong u kaba khlaiñ, ba kumta baroh ki briew jong u ki ïaroh ïa u — ki paid Israel, kiba u ieit eh. To ïaroh ïa U Trai!

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

SALM 20:6

Mynta nga tip ba U Trai u ai ka jingjop ha u syiem ba la jied jong u; u jubab ïa u na ka bneng bakhuid jong u bad da ka bor jong u, u ai ha u ki jingjop kiba khraw.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

SALM 21:1

U Syiem u sngewbha, A Trai, namar me ai ha u ïa ka jingkhlaiñ; u lehkmen namar me ai ha u ïa ka jingjop.

SALM 28:8

U Trai u ïada ïa ki briew jong u; u ïada bad pynim ïa u syiem ba la jied jong u.

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

SALM 89:17

Me ai ki jingjop bakhraw ïa ngi; ha ka jingieit jong me, me pynlong ïa ngi ban leh risa.

SALM 89:24

Ngan ieit ïa u bad ngan ïaineh bad u, ngan pynlong ïa u, uba jop borabor.

SALM 89:25

Ngan pynïar ïa ka hima jong u naduh ka duriaw Mediterranian haduh ka wah Ïuphratis.

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

EKSODOS 15:6

“Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

EKLESIASTIS 11:9

Ko samla, to lehkmen ïa ka jinglong samla jong phi. To kmen katba phi dang samla. Leh ïa kaei kaba phi kwah ban leh, bad bud ïa ka jingkwah ka dohnud jong phi. Hynrei kynmaw ba U Blei un bishar ïa phi ïa kaei kaei kaba phi leh.

EKLESIASTIS 12:14

U Blei un bishar ïa kaei kaei baroh kaba ngi leh, la kaba bha ne kaba sniew, wat ïa kiei kiei kiba la leh ha kaba rieh.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 32:1

Kan don ka sngi ha kaba yn don u syiem u ban synshar ha ka jinglong ba-beit, bad ki nongïalam ka ri ki ban synshar ha ka jinglehhok.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

ESEKIEL 29:21

“Haba kata kan jia, ngan pynlong ïa ki paid Israel kiba khlaiñ bad ngan shah ïa me, ko Esekiel, ban kren ha kaba baroh kin ïohsngew ïa me, khnang ba kin tip ba nga long U Trai.”

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

LOUKAS 1:69

U la ai ha ngi ïa U Nongpynim bakhrawbor, uba hiarpateng na u Dabid u shakri jong u.

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 4:27

Naba shisha u Herod bad u Pontios Pilat ki la ïakynduh lang ha kane ka nongbah lem bad ki Jentil bad ki paid Israel pyrshah ïa U Jisu, u shakri bakhuid jong me, ïa uba me la pynlong U Messaïah.

2 KORINTH 5:10

Naba baroh na ngi ngin paw ha khmat U Khrist, ba yn bishar ïa ngi da u. Ngin ïohpdiang ïa kaei kaba ngi dei hok, kat kum kiei kiei baroh kiba ngi la leh, la bha ne la sniew, ha kane ka jingim ha ka met jong ngi.

NONGBISHAR 5:31

Ai ba ki nongshun jong me baroh kin ïap kumta, A Trai hynrei ai ba ki paralok jong me kin tyngshaiñ kum ka sngi kaba mih! Bad la don ka jingsuk ha ka ri haduh sawphew snem.

1 SAMUEL 12:13

“Mynta hangne u don u syiem uba phi la jied; phi la pan ïa u, bad mynta U Trai u la ai ïa u ha phi.

1 SAMUEL 12:17

Mynta ka dei ka aïom rang ryngkhiang, ym dei? Hynrei ngan duwai, bad U Trai un phah ïa u pyrthat bad u slap. Haba kane ka wan jia, phin sa sngewthuh haduh katno phi la leh pop pyrshah ïa U Trai mynba phi pan syiem na u.”

1 SAMUEL 12:18

Kumta u Samuel u la duwai, bad U Trai u phah ïa u pyrthat bad u slap ha kata ka sngi. Te uta u paidbah baroh u la sheptieng ïa U Trai bad ïa u Samuel,

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 15:28

U Samuel u ong ha u, “U Trai u la kad ïa ka hima Israel na me ha kane ka sngi, bad u la ai ïa ka ha uta u briew uba kham bha ban ïa me.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 7:10

Katba u Samuel u dang ai ïa ka jingkñia, ki Philistia ki tur sha jan ban ïaleh; hynrei hangta U Trai u kyrhuh kum u pyrthat na bneng pyrshah ïa ki. Ki la shaïong ngaiñ, bad ki la phet krad ha ka jingkulmar.