1 SAMUEL 19:5 - Khasi CL Bible (BSI)

⁵ U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”

KA BAIBL

⁵ namar u la kheiñduh ïa la ka jingim, bad u la pynïap ïa uta u Philistia, bad U Trai u la pynlong ïa ka jinglait im bakhraw ïa ki Israel baroh; te me la ïohi ïa kata bad me la shadkmen; na ka balei te men leh pop ïa ka snam kaba lui lui, da kaba pynïap ïa u Dabid khlem daw?”

1 SAMUEL 19:5 ပူးပေါင်းရင်းမြစ်များ

2 SAMUEL 23:10

Ki Israel ki la kynran dien, hynrei u la ïeng skhem bad u la ïaleh ïa ki Philistia haduh ba ka kti jong u ka la pyrkhing haduh katta katta ha kaba um lah shuh ban pyllait ïa la ka waitlam. U Trai u la jop ka jingjop kaba khraw ha kata ka sngi. Hadien ba ka la kut, ki Israel ki la wan phai sha ka jaka kaba u Eleasar u don bad ki la sloit ïa ki jingkieng atiar na kiba la ïap.

1 KHRONIKL 11:14

kumta ma u bad ki rangbah jong u ki ïeng hapdeng jong ka lyngkha bad ki la ïaleh ïa ki Philistia. U Trai u la ai jingjop ïa u.

1 KHRONIKL 11:18

Ki lai ngut ki shipai bapawnam ki tur da ka bor lyngba ka jaka shong dara jong ki Philistia, ki tong ïa ka um na ka pukri, bad ki wanrah sha u Dabid. Hynrei um treh ban dih ïa ka; pynban u theh noh ïa ka kum ka jingainguh sha U Trai

SALM 109:5

Ki siew kylliang ïa nga da kaba sniew na ka bynta kaba bha bad da ka jingisih na ka bynta ka jingieit.

SALM 119:109

Nga long borabor uba la kloi ban kheiñduh ïa la ka jingim; ngam shym la klet ïa ka aiñ jong me.

SALM 25:3

Ka jingshahjop kan ym wan ha kito kiba shaniah ha me, hynrei ha kito kiba kloi ban ïeng ïaleh pyrshah ïa me.

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

SALM 94:21

kiba ïasylla lang pyrshah ïa ki briew kiba bha bad rai pynrem ïa kiba lui lui sha ka jingïap.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

JEREMAÏAH 26:15

Hynrei to tip skhem ïa kane: Lada phi pynïap ïa nga, ma phi bad ki briew jong kane ka nongbah phin long kiba la rem ha kaba pynïap ïa u briew uba lui lui namar u dei U Trai uba la phah ïa nga ban ai ha phi ïa kane ka jingmaham.”

MATHAÏOS 27:24

Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”

MATHAÏOS 27:4

“Nga la leh pop da kaba nga shetkylla ïa u briew uba lui lui ban ïap!” u la ong. “Kan ïadei aïu kata bad ngi?” ki la jubab. “Kata ka dei ka kam jong me!”

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

PHILIPPI 2:30

namar u la kheiñduh ïa la ka jingim, bad u la jan ïap na ka bynta ka kam U Khrist, khnang ba un ai ïa nga ka jingïarap, kaba ma phi da lade phim lah ban ai.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

NONGBISHAR 12:3

Haba nga la ïohi ba phim shym wan ïarap ïa nga, nga la kheiñduh ïa la ka jingim bad nga jam ïa u pud ban ïaleh pyrshah ïa ki; bad U Trai u la ai ha nga ka jingjop halor jong ki. Te balei pat phi wan ban ïaleh ïa nga mynta?”

NONGBISHAR 9:17

Kynmaw ba i pa jong nga i la ïaleh na ka bynta jong phi. I la kheiñduh ïa la ka jingim ban pyllait im ïa phi na ki Midian.

1 SAMUEL 11:13

Hynrei u Saul u ong, “Ym dei ban pynïap ïano ïano ha kane ka sngi, naba kane ka dei ka sngi ba U Trai u la pyllait im ïa ki Israel.”

1 SAMUEL 14:45

Hynrei ki paidbah ki ong ha u Saul, “Hato u Jonathan, uba la jop ka jingjop kaba khraw na ka bynta ki Israel, un shah pynïap? Em! Ngi kular ha U Trai uba im ba uwei u shñiuh na ka khlieh jong u ruh un ym hap ha khyndew. Kaei kaba u la leh ha kane ka sngi la leh da ka jingïarap jong U Blei.” Kumta ki paidbah ki la pyllait im ïa u Jonathan na kaba shah pynïap.

1 SAMUEL 19:6

U Saul u la sngewïahap ïa kaba u Jonathan u ong bad u smai ha ka Kyrteng U Trai ba un ym pynïap ïa u Dabid.

1 SAMUEL 20:32

“Balei u dei ban ïap?” u Jonathan u jubab. “U la leh aïu eh?”

1 SAMUEL 22:14

U Ahimelekh u jubab, “U Dabid u dei u rangbah pynïaidkam uba hok tam uba phi don! U dei u pyrsa kurim jong phi, u kapten jong ki shipai kiba ïada ïa phi, bad ïa uba la ñiewburom shikatdei eh da uwei pa uwei ha ka ïingsyiem jong phi.

1 SAMUEL 28:21

Kata ka kynthei ka leit sha u, bad haba ka ïohi ba u la sheptieng, kumta ka ong ha u, “Sngewbha kynrad, nga la kheiñduh ïa la ka jingim da kaba leh ïa kaei ba phi ong.