1 SAMUEL 18:7 - Khasi CL Bible (BSI)

⁷ Ha ka jinglehkmen jong ki, kita ki kynthei ki ïaphawar, “U Saul u la pynïap da ki hajar, bad u Dabid da ki phew hajar.”

KA BAIBL

⁷ Te kita ki kynthei katba ki ïarwai ki la ïakren markylliang, bad ki la ïa-ong, “U Saul u la pynïap ïa la ki hajar, te u Dabid ïa la ki phew hajar.”

1 SAMUEL 18:7 ပူးပေါင်းရင်းမြစ်များ

2 SAMUEL 18:3

“Phim dei ban leit lang bad ngi,” ki la ong. “Kam don jingktah ei ei ïa u nongshun lada kiba sah na ngi ki phai dien bad phet lane lada shiteng na ngi ki la shah pynïap; hynrei phi ïaryngkat dor bad shiphew hajar ngut na ngi. Kan kham bha lada phi shong hangne ha ka nongbah bad phah jingïarap ïa ngi.”

2 SAMUEL 23:1

U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

2 SAMUEL 6:5

U Dabid bad ki Israel baroh ki la ïashad kmen bad ïarwai shitrhem da ka bor baroh ban burom ïa U Trai. Ki da tem ïa ki duitara, ki jingtem ksai, ki ksing, ki kanjari, bad ki shakuriaw.

EKSODOS 15:21

Ka Miriam ka la rwai na ka bynta jong ki: “To rwai ha U Trai namar ba u la jop ka jingjop badonburom; u la bret ïa ki kulai bad ïa ki nongshong jong ki sha ka duriaw.”

1 SAMUEL 21:11

Ki rangbah synshar jong u syiem ki ong ha u Akhish, “Hato une um dei u Dabid, u syiem jong ka ri jong u? Une u dei u briew uba shaphang jong u ki kynthei ki phawar, katba ki dang shad, ‘U Saul u la pynïap da ki hajar, hynrei u Dabid u la pynïap da ki phew hajar.’ ”

1 SAMUEL 21:12

Ki ktien jong ki, ki la shon jur ha u Dabid, bad u sheptieng shikatdei eh ïa u syiem Akhish.

1 SAMUEL 29:5

Nalorkata, une um dei u Dabid, uta uba ki kynthei ki ïaphawar katba ki dang ïashad, ‘U Saul u la pynïap da ki hajar, hynrei u Dabid u la pynïap da ki phew hajar?’ ”