1 SAMUEL 18:6 - Khasi CL Bible (BSI)

⁶ Katba u Dabid u dang wan phai hadien ba u la pynïap ïa u Goliath bad katba ki shipai ki dang wan phai sha la ïing, ki kynthei na man la ka shnong ha Israel ki ïamih ban leit ïashem ïa u syiem Saul. Ki da ïarwai ïa ki jingrwai sngewkmen, ki da ïashad bad ki tem ïa ki kanjari bad ki jingtem ksai.

KA BAIBL

⁶ Te haba u Dabid u wan phai noh na kaba pynïap ïa uta u Philistia, ki kynthei ki la ïawan mih na ki nongbah ki Israel baroh, ki da ïarwai bad ki da ïashad, ban tan ïa u Saul syiem, bad ki kanjari, bad ka jingkmen, bad ki kynja jingtem.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

Wat pynbna ïa ka ha Gath lane ha ki surok ka Ashkelon. Wat pynlong ïa ki kynthei Philistia ban kmen, wat ai ba ki khun kynthei jong ki bymngeit blei kin risa.

2 SAMUEL 6:5

U Dabid bad ki Israel baroh ki la ïashad kmen bad ïarwai shitrhem da ka bor baroh ban burom ïa U Trai. Ki da tem ïa ki duitara, ki jingtem ksai, ki ksing, ki kanjari, bad ki shakuriaw.

SALM 149:3

To ïaroh ïa ka kyrteng jong u da ka jingshad; to tem ki ksing bad ki duitara ha ka jingïaroh ïa u.

SALM 68:11

U Trai u ai ïa ka hukum, bad bun ki kynthei ki rah ïa ka khubor:

SALM 68:25

Ki nongrwai ki don ha khmat, ki nongtem nongput ki don hadien, hapdeng jong ki don ki samla kynthei kiba tem ïa ki kanjari:

EKSODOS 15:20

Te ka Miriam ka nongïathuhlypa, ka para jong u Aaron, ka la shim ïa la ka kanjari, bad ki kynthei baroh ruh ki la ïabud nadien jong ka, ki da tem ïa ki kanjari, bad ki da ïashad ruh.

EKSODOS 15:21

Ka Miriam ka la rwai na ka bynta jong ki: “To rwai ha U Trai namar ba u la jop ka jingjop badonburom; u la bret ïa ki kulai bad ïa ki nongshong jong ki sha ka duriaw.”

ISAÏAH 30:32

Kumba U Trai u shoh bad u ïai shoh ïa ki, ki briew jong u pat kin ïa-ïaid ryngkat bad ki sur jong ki ksing bad ki duitara. U Blei hi da lade un ïaleh pyrshah ïa ki Assyria.

NONGBISHAR 11:34

Haba u Jephthah u wan phai sha la ïing ha Mispah, ka khun jong u ka wan ban ïakynduh ïa u, ka da shad bad tem ïa ka ksing. Ka dei ka khun marwei jong u.

1 SAMUEL 18:5

U Dabid u la pyndep hok ïa ki kam baroh ïa kiba u Saul u la phah ïa u, bad kumta u Saul u pynlong ïa u, u nongïalam ha ka kynhun shipai jong u. Kane ka la pynsngewbha ïa baroh ki nongïalam bad ki rangbah jong u Saul.