1 SAMUEL 18:5 - Khasi CL Bible (BSI)

⁵ U Dabid u la pyndep hok ïa ki kam baroh ïa kiba u Saul u la phah ïa u, bad kumta u Saul u pynlong ïa u, u nongïalam ha ka kynhun shipai jong u. Kane ka la pynsngewbha ïa baroh ki nongïalam bad ki rangbah jong u Saul.

KA BAIBL

⁵ Te u Dabid u la leit shano shano kat sha kaba u Saul u la phah ïa u, bad u la ïaid leh sian ïa lade: bad u Saul u la buh ïa u halor ki paidïapom, bad u la long uba la sngewbha ïa u ha khmat kita ki paidbah baroh, bad ha khmat ki shakri u Saul ruh de.

1 SAMUEL 18:5 ပူးပေါင်းရင်းမြစ်များ

JENESIS 39:23

U nongap byndi um donkam ban khmih ei ei shuh ïa kaba u Joseph u la shim jingkitkhlieh, namar U Trai u la don ryngkat lem bad u Joseph bad u la pynmanbha ha kaei kaei kaba u leh.

2 SAMUEL 5:10

U la nang khlaiñ ha ki por baroh, namar U Trai U Blei Badonbor Tam u la don ryngkat bad u.

2 SAMUEL 5:2

Ha ka por ba la leit, wat haba u Saul u dang long u syiem jong ngi, phi la ïalam ïa ki rangbah Israel ha ka thma bad U Trai u la kular ïa phi ba phin ïalam ïa ki briew jong u bad ban long u nongsynshar jong ki.”

2 KHRONIKL 17:3

U Trai u la kyrkhu ïa u Jehoshaphat namar u la bud ïa ka nuksa ba-mynshuwa jong ka jingim u kpa jong u bad um shym mane ïa u Baal.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 101:2

Ka jinglong jingim jong nga kan ym don jingbakla. Lano men wan sha nga? Ngan im ka jingim kaba khuid ha ka ïing jong nga,

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.

EPHESOS 5:17

Wat long kiba bieit, hynrei, pyrshang ban wad ïa kaei kaba U Trai u kwah ïa phi ban leh.

KOLOSSAI 4:5

To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh.

1 SAMUEL 13:2

u jied lai hajar ngut ki rangbah; u bat ar hajar ngut na ki bad u ha Mikhmash bad ha ka ri lum jong ka Bethel bad u phah shihajar ngut bad u Jonathan u khun jong u sha Gibeah, ha ka thain Benjamin. Ïa kiba sah pat u phah noh sha la ïing.

1 SAMUEL 14:52

Katba u dang im, u Saul u hap ban ïaleh tyngeh pyrshah ïa ki Philistia. Kumta, man ka por ba u lap ïa u briew uba khlaiñ lane uba shlur, u ju pynrung ïa u ha ka kynhun ïapom jong u.

1 SAMUEL 18:16

Hynrei uwei pa uwei ha Israel bad Judah ki ieit ïa u Dabid ba u long u nongïalam uba jop.

1 SAMUEL 18:30

Ki shipai Philistia ki ju wan ban ïaleh thma, hynrei ha man ki jingïaleh, u Dabid u kham jop ïa ki ban ïa uno uno u rangbah shipai jong u Saul. Kumta u Dabid u la pawnam shibun.

1 SAMUEL 18:4

U law ïa ka jaiñkup ba u phong bad u ai ïa ka ha u Dabid, ryngkat bad ka jingkieng atiar jong u bad ruh ïa ka waitlam, ka ryntieh, bad u panpoh jong u.

1 SAMUEL 18:6

Katba u Dabid u dang wan phai hadien ba u la pynïap ïa u Goliath bad katba ki shipai ki dang wan phai sha la ïing, ki kynthei na man la ka shnong ha Israel ki ïamih ban leit ïashem ïa u syiem Saul. Ki da ïarwai ïa ki jingrwai sngewkmen, ki da ïashad bad ki tem ïa ki kanjari bad ki jingtem ksai.

1 SAMUEL 3:19

Katba u Samuel u nang san, U Trai u la don ryngkat bad u, bad u pynurlong ïa baroh kaba u Samuel u ong.