1 SAMUEL 18:30 - Khasi CL Bible (BSI)

³⁰ Ki shipai Philistia ki ju wan ban ïaleh thma, hynrei ha man ki jingïaleh, u Dabid u kham jop ïa ki ban ïa uno uno u rangbah shipai jong u Saul. Kumta u Dabid u la pawnam shibun.

KA BAIBL

³⁰ Ynda kumta, ki rangbah ki Philistia ki la leit mih: te katba ki leit mih, u Dabid u la ju kham leh sian ïa lade ban ïa ki shakri u Saul baroh; kumta la ñiewkor eh ïa ka nam jong u.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Ha ka pyrem kaba bud, ha ka por jong ka snem haba ki syiem ki ju leit sha ka thma, u Dabid u la phah ïa u Joab lem bad ki rangbah pynïaidkam jong u bad ka kynhun shipai Israel; ki la jop ïa ki Ammon bad ki la kerkut ïa ka nongbah Rabbah. Hynrei u Dabid hi u la sah ha Jerusalem.

2 SAMUEL 7:9

Nga la don ryngkat bad me kat shaba me leit, bad nga la jop ïa ki nongshun jong me baroh katba me nang ïaid shaphrang. Ngan pynlong ïa me uba pawnam kat ki nongïalam kiba khraw tam ha ka pyrthei.

2 SYIEM 1:13

Sa shisien pat u syiem u la phah ïa u rangbah pynïaidkam lem bad sanphew ngut ki rangbah. U la leit kiew ïa u lum, u la dem khohsiew ha khmat u Elijah, bad u la ïasaid, “Ko briew jong U Blei, to isynei ïa nga bad ïa ki rangbah jong nga. To pyllait ïa ka jingim jong ngi!

SALM 116:15

Katno kaba pangnud ka long ïa U Trai haba iwei na ki briew jong u i ïap!

SALM 119:99

Nga shemphang kham palat ban ïa ki nonghikai jong nga baroh, namar nga puson ïa ki jingbthah jong me.

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

DANIEL 1:20

Kam pher kaei ka jingkylli ba u syiem u la kylli, lane kano ka jingeh kaba u pynpaw, kine ki saw ngut ki la kham tip shiphew shah ban ïa uno uno u nongbatai kupar lane u nongleh myntor ha ka hima jong u baroh kawei.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

EPHESOS 5:15

Kumta da sumar kumno phi im. Wat im kum ki briew kiba bieit, hynrei, kum ki briew kiba stad.

1 PETROS 2:4

To wan sha U Trai, u maw uba im uba la kyntait da u briew kum u bymmyntoi hynrei uba la jied da U Blei ba u long uba kordor.

1 PETROS 2:7

Une u maw u long uba kordor eh ïa phi kiba ngeit; hynrei ha kito ki bymngeit: “U maw ïa uba ki nongtei ki la kyntait kum u bymmyntoi u la kylla long uba donkam tam na baroh.”

1 SAMUEL 18:29

Kumta u nang kham tieng shuh shuh ïa u Dabid bad u kylla long u nongshun jong u katba u dang im.

1 SAMUEL 18:5

U Dabid u la pyndep hok ïa ki kam baroh ïa kiba u Saul u la phah ïa u, bad kumta u Saul u pynlong ïa u, u nongïalam ha ka kynhun shipai jong u. Kane ka la pynsngewbha ïa baroh ki nongïalam bad ki rangbah jong u Saul.

1 SAMUEL 19:8

Ka thma bad ki Philistia ka la khie biang. U Dabid u leit ïaleh ïa ki bad u jop thiaw ïa ki kat haduh ba ki phet noh.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 26:21

U Saul u jubab, “Nga la leh bakla; wan phai pat ko Dabid, u khun jong nga. Namar ba phi la kheiñ kor ïa ka jingim jong nga ha kane ka miet, lano lano ngan ym pynmynsaw shuh ïa phi. Nga la leh bieit shisha, bad nga la bakla palat.”

1 SAMUEL 26:24

Kumba nga la pyllait im ïa ka jingim jong phi ha kane ka sngi, ai ba U Trai un leh kumjuh ïa nga bad pyllait ïa nga na ki jingjynjar jong nga baroh!”