1 SAMUEL 18:27 - Khasi CL Bible (BSI)

²⁷ u Dabid bad ki briew jong u ki leit bad pynïap arspah ngut ki Philistia. U wanrah ïa ki doh otsher jong ki baroh sha u syiem bad u da ñiew ïa ki ha u, khnang ba un lah ban long u pyrsa kurim jong u. Kumta u Saul u hap ban ai ïa ka Mikhal ka khun jong u ban shongkurim ïa u Dabid.

KA BAIBL

²⁷ bad u Dabid u la ïeng bad u la leit, ma u bad ki briew jong u, bad u la pynïap ïa arspah ngut ki Philistia; bad u Dabid u la wallam ïa ki sher jong ki, bad u la ai noh biang biang ïa ki ha u syiem, ba un ïoh long u pyrsa kurim u syiem. Te u Saul u la ai kurim noh ïa ka Mikhal ka khun jong u ha u.

1 SAMUEL 18:27 ပူးပေါင်းရင်းမြစ်များ

2 SAMUEL 3:13

“Ka biang!” u Dabid u jubab. “Ngan ïateh kular bad phi tang ha kawei ka kyndon: phi dei ban wallam ïa ka Mikhal ka khun jong u Saul sha nga haba phi wan ïakynduh ïa nga.”

2 SAMUEL 3:14

Bad u Dabid ruh u phah ïa ki nonglamktien sha u Ishbosheth ban ong, “Ai noh ha nga ïa ka Mikhal ka tnga jong nga. Nga la siew shispah tylli ki doh otsher jong ki Philistia ban shongkurim ïa ka.”

NONGBISHAR 14:19

Hangta hi ka bor jong U Trai ka pynshaitbor ïa u, bad u leit hiar sha Ashkelon, ha kaba u pynïap laiphew ngut ki rangbah, u law ïa ki jaiñ jong ki, bad u ai ïa ki jaiñkup baremdor ha kita ki shynrang kiba batai ïa kata ka jingkyntip. Hadien kata, u leit phai noh sha la ïing, da kaba bitar halor kaei kaba la jia,

1 SAMUEL 14:49

Ki khun shynrang jong u Saul ki long u Jonathan, u Ishbi, bad u Malkhishua. Ka khun kynthei baheh jong u ka kyrteng ka Merab, bad kaba kham rit ka Mikhal.

1 SAMUEL 18:13

Kumta u Saul u phah noh ïa u bad u thung ïa u kum u nongïalam ïa ki shihajar ki rangbah.

1 SAMUEL 18:17

Nangta u Saul u ong ha u Dabid, “Kane ka dei ka Merab ka khun jong nga kaba kham shuwa. Ngan ai ïa ka ha me kum ka tnga jong me halor ka kyndon ba me dei ban shakri ïa nga kum u shipai bashlur bad baïaineh, bad ïaleh ïa ki thma U Trai.” (U Saul u nang pyrkhat ba ha kane ka rukom ki Philistia kin ïoh pynïap ïa u Dabid bad um da donkam ban leh da lade.)

1 SAMUEL 18:28

U Saul u sngewthuh shai ba U Trai u don ryngkat bad u Dabid bad ba ka Mikhal ka khun jong u ka ieit ïa u.

1 SAMUEL 25:44

Ha kajuh ka por, u Saul u la ai ïa ka Mikhal ka khun jong u, kaba la long ka tnga jong u Dabid, ha u Palti, u khun jong u Laish, uba na ka nongrit Gallim.