1 SAMUEL 18:1 - Khasi CL Bible (BSI)

¹ U Saul bad u Dabid ki la dep ka jingïakren hapdeng jong ki. Hadien kata, u Jonathan u khun jong u Saul u la sngew jan eh ïa u Dabid bad u sngewieit ïa u kumba u ieit ïa lade hi.

KA BAIBL

¹ Te ynda u la wai noh ban kren ha u Saul, u Jonathan bad u Dabid ki la ïa-ieit thep mynsiem, bad u Jonathan u la ieit ïa u kum la ka jong ka mynsiem.

1 SAMUEL 18:1 ပူးပေါင်းရင်းမြစ်များ

JENESIS 44:30

“Namar kata, ko kynrad,” u Judah u bteng, “lada ngan leit phai sha i pa khlem u para, in tang shu ïohi ba u para um don bad nga, in sa ïap. I ieit thep mynsiem ïa u, bad namar ba i la tymmen eh, ka jingleh jong ngi kan pynïap sngewsih ïa i.

2 SAMUEL 1:26

“Nga pangnud namar jong me, ko Jonathan u para jong nga; Katno me long uba nga la sngewieit! Katno phylla long ka jingieit jong me ïa nga, Kham palat ban ïa ka jingieit ki kynthei.

1 KHRONIKL 12:17

U Dabid u leit ïakynduh ïa ki bad u ong, “Lada phi la wan kum ki paralok ban ïarap ïa nga, nga pdiang sngewbha ïa phi hangne. Ïasoh bad ngi! Hynrei lada phi mut ban die ïa nga ha ki nongshun jong nga, wat la ngam shym la pyrshang ban pynmynsaw ïa phi, U Blei jong ki kpa tymmen jong ngi un tip ïa kata bad un pynshitom ïa phi.”

SALM 86:11

To hikai ïa nga, A Trai, ïa kaei kaba me kwah ïa nga ban leh, bad ngan kohnguh hok ïa me; to hikai ïa nga ban shakri ïa me da ka jingshakri ba aiti lut.

PROBERB 18:24

Ki don ki jingïadei paralok ki bymneh, hynrei ki don ki paralok kiba lah ban shaniah palat ban ïa ki hynmen ki para.

DEUTERONOMI 13:6

“Wat u hynmen u para jong phi, u khun jong phi, ka khun jong phi, ka tnga kaba phi ieit, lane u paralok uba jan eh jong phi, ki lah harieh harieh ban khring ïa phi ban leit mane ïa kiwei pat ki blei, ïa kiba phi bad ki kpa tymmen jong phi kim ju mane mynno mynno.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

NONGBISHAR 20:11

Kumta baroh ki rangbah ha Israel ki ïalumlang na ka bynta kawei ka jingthmu — ban tur ïaleh ïa kata ka shnong.

1 SAMUEL 14:45

Hynrei ki paidbah ki ong ha u Saul, “Hato u Jonathan, uba la jop ka jingjop kaba khraw na ka bynta ki Israel, un shah pynïap? Em! Ngi kular ha U Trai uba im ba uwei u shñiuh na ka khlieh jong u ruh un ym hap ha khyndew. Kaei kaba u la leh ha kane ka sngi la leh da ka jingïarap jong U Blei.” Kumta ki paidbah ki la pyllait im ïa u Jonathan na kaba shah pynïap.

1 SAMUEL 18:3

U Jonathan u ïateh jutang jingïadei paralok bad u Dabid namar ka jingieit bajylliew ïa u.

1 SAMUEL 19:1

U Saul u ïathuh ha u Jonathan u khun jong u bad ha ki rangbah synshar jong u baroh ba u thmu ban pynïap ïa u Dabid. Hynrei u Jonathan u sngew jan eh ïa u Dabid,

1 SAMUEL 19:2

kumta u ong ha u, “I pa i pyrshang ban pynïap ïa phi. Sngewbha da leh husiar lashai mynstep; rieh ha ka jaka bym don batip bad sah hangta.

1 SAMUEL 20:17

Sa shisien pat u Jonathan u pynlong ïa u Dabid ban kular ban ieit ïa u, naba u Jonathan u ieit ïa u Dabid kumba u ieit ïa lade hi.

1 SAMUEL 20:8

Sngewbha leh ïa kane namar jong nga; bad bat ïa ka jingkular bakyntang kaba phi la ai ha nga. Hynrei lada nga long ba la pynrem, pynïap ïa nga da lade hi! Balei phin shim ïa nga sha i pa jong phi ban shah pynïap?”

1 SAMUEL 22:8

Hato dei na kata ba phi baroh phi la ïasylla pyrshah ïa nga? Ym don uwei ruh na phi uba la ïathuh ha nga ba u khun jong nga hi u la ïateh kular bad u Dabid. Ym don uwei ruh uba pyrkhat sngewlem ïa nga lane ïathuh ha nga ba u Dabid, uwei na ki rangbah jong nga, u don hangne mynta, u da wad ïa ka kabu ban pynïap ïa nga, bad ba u khun jong nga u la pynshlur ïa u!”

1 SAMUEL 23:18

Kita baroh ar ngut ki la pynlong ka jingïateh kular bakyntang iwei ïa iwei pat. U Dabid u sah ha Horesh, bad u Jonathan u leit noh sha ïing.