1 SAMUEL 17:51 - Khasi CL Bible (BSI)

⁵¹ U mareh sha u, u ïeng halor jong u, u sei ïa ka waitlam u Goliath na ka jingsop jong ka, bad u ot ïa ka khlieh jong u bad u pynïap ïa u. Haba ki Philistia ki ïohi ba u rangkynsai jong ki u la shah pynïap, ki phet krad.

KA BAIBL

⁵¹ Ynda kumta, u Dabid u la mareh, bad u la ïeng halor uta u Philistia, bad u la shim ïa ka waitlam jong u, bad u la sei noh ïa ka na kata ka jingsop, bad u la pynïap khoit ïa u, bad u la khrai noh ïa ka khlieh jong u da ka. Te haba kita ki Philistia ki la ïohi ba u la ïap u riewradbah jong ki, ki la phet ïap noh.

1 SAMUEL 17:51 ပူးပေါင်းရင်းမြစ်များ

2 SAMUEL 23:21

U la pynïap ruh ïa u nong Ijipt, u briew uba heh uba kieng atiar da u sum. U Benaïah u la tur ïaleh ïa u da u dieng tangon, u knieh ïa u sum na ka kti jong u nong Ijipt, bad u la pynïap ïa u da uta.

2 SAMUEL 4:7

Mar ïarung shapoh, ki leit sha ka kamra thiah u Ishbosheth, ha kaba u dang ïohthiah lyngngai, bad ki la pynïap ïa u. Nangta ki la ot ïa ka khlieh jong u, ki rah ïa ka bad ki, bad ki ïaid baroh shi miet lyngba ka Them Jordan.

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

HEBRU 11:34

Ki la set ïa ki shyntur jong ki sing, ki la pynlip ïa ki ding kiba klang, ki la lait im na kaba shah pynïap da ka waitlam. Ki la long kiba tlot, hynrei ki la kylla long kiba khlaiñ; ki la long kiba khlaiñbor ha ka thma bad ki la jop ïa ki kynhun shipai nongwei.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

1 SAMUEL 17:50

Bad kumta, khlem ka waitlam, u Dabid u jop bad u pynïap ïa u Goliath da ka jingshat maw bad da u maw!

1 SAMUEL 21:10

Kumta u Dabid u mihnoh, u da phet krad na u Saul, bad u la leit sha u Akhish u syiem ka Gath.

1 SAMUEL 21:9

U Ahimelekh u jubab, “Nga don ka waitlam u Goliath u nong Philistia ïa uba phi la pynïap ha ka Them Elah; ka don ha lyndet ka ephod, kaba la sop da ka jaiñ. Lada phi kwah ïa ka, to shim — dei tang ma ka, ka atiar hangne.” “Ai ïa ka ha nga,” u Dabid u ong. “Ym don hangno hangno ka waitlam kaba kham bha!”

1 SAMUEL 31:9

Ki khrai ïa ka khlieh u Saul, ki loit noh ïa ki atiar jong u, bad ki phah ïa ki nonglamktien kylleng ka ri Philistia ban pynbna ïa kata ka khubor babha sha ki blei jong ki bad ha ki briew jong ki.