1 SAMUEL 17:50 - Khasi CL Bible (BSI)

⁵⁰ Bad kumta, khlem ka waitlam, u Dabid u jop bad u pynïap ïa u Goliath da ka jingshat maw bad da u maw!

KA BAIBL

⁵⁰ Kumta, u Dabid u la jop ïa uta u Philistia da ka jingshat maw bad da u maw, bad u la shoh ïa uta u Philistia, bad u la pynïap ïa u; la um don ka waitlam ruh ha ka kti u Dabid.

1 SAMUEL 17:50 ပူးပေါင်းရင်းမြစ်များ

NONGBISHAR 15:15

Nangta u lap kawei ka shyieng tyngam jong ka kada kaba dang shu ïap shen. U dem bad u tam ïa ka, bad da kata u pynïap shihajar ngut ki rangbah.

NONGBISHAR 3:31

U nongïalam uba bud u dei u Shamgar, u khun jong u Anath. Une ruh u la pyllait ïa ki Israel, bad u la leh kumta da kaba pynïap hynriewspah ngut ki Philistia da u dieng ñiah masi.

1 SAMUEL 13:22

Bad kumta ha ka sngi ïaleh thma, ym don mano mano na ki shipai Israel uba don waitlam lane sum, lait noh u Saul bad u Jonathan u khun jong u.

1 SAMUEL 17:39

U Dabid u bsuh ïa ka waitlam u Saul ha kata ka jingkieng atiar bad u pyrshang ban ïaid, hynrei um lah, namar ba um ju mlien ban phong ïa kita. “Ngam lah ban leit ïaleh ryngkat bad kine,” u ong ïa u Saul. “Ngam ju mlien ïa ki.” Kumta u loit noh ïa ki baroh.

1 SAMUEL 17:49

U bsuh ïa la ka kti hapoh ka pla kieng jong u bad u sei ïa uwei u maw, bad u kawang ïa u Goliath. Uta u maw u dei phak na ka shyllangmat jong u bad u pynpait ïa ka shynrong khlieh jong u, bad u Goliath u kyllon khram da pyllup ha khyndew.

1 SAMUEL 17:51

U mareh sha u, u ïeng halor jong u, u sei ïa ka waitlam u Goliath na ka jingsop jong ka, bad u ot ïa ka khlieh jong u bad u pynïap ïa u. Haba ki Philistia ki ïohi ba u rangkynsai jong ki u la shah pynïap, ki phet krad.

1 SAMUEL 19:5

U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”

1 SAMUEL 21:9

U Ahimelekh u jubab, “Nga don ka waitlam u Goliath u nong Philistia ïa uba phi la pynïap ha ka Them Elah; ka don ha lyndet ka ephod, kaba la sop da ka jaiñ. Lada phi kwah ïa ka, to shim — dei tang ma ka, ka atiar hangne.” “Ai ïa ka ha nga,” u Dabid u ong. “Ym don hangno hangno ka waitlam kaba kham bha!”

1 SAMUEL 23:21

U Saul u jubab, “To U Trai un kyrkhu ïa phi ba lehsbun ïa nga!