1 SAMUEL 17:36 - Khasi CL Bible (BSI)

³⁶ Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.

KA BAIBL

³⁶ Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”

1 SAMUEL 17:36 ပူးပေါင်းရင်းမြစ်များ

2 KHRONIKL 32:17

Ka shithi kaba u patsha u la thoh ka kren pyrshah ïa U Trai, U Blei ki Israel. Ka ong, “Ki blei jong ki hima kim shym lah ban pyllait ïa ki briew jong ki na ka bor jong nga, bad da lei lei U Blei jong u Hesekaïah un ym lah ban pyllait im ïa la ki briew na nga.”

ISAÏAH 10:15

Hynrei U Trai u ong, “Hato u sdie un kam ba u kham khraw ban ïa uta uba pyndonkam ïa u? Hato ka kurat ka long kaba kham donkam ban ïa uta uba tar da ka? U dieng tangon um rah ïa u briew; u briew u rah ïa u dieng tangon.”

ISAÏAH 36:15

Bad wat ai ïa u ban pynngeit ïa phi ban shaniah ha U Trai. Wat pyrkhat ba U Trai un pyllait ïa phi bad ba un pynsangeh ïa ki shipai Assyria na kaba knieh noh ïa ka nongbah jong phi.

ISAÏAH 36:18

Wat ai ba u Hesekaïah un pynbieit ïa phi ban pyrkhat ba U Trai un pyllait im ïa phi. Hato ki blei jong kiwei pat ki jaitbynriew ki pyllait ïa ki ri jong ki na u patsha ka Assyria?

ESEKIEL 28:10

Men ïap kum u ksew ha ka kti jong ki nongwei bym don blei. Ma nga, U Trai Nongsynshar, nga la ai ïa ka hukum.”

ESEKIEL 32:19

Ong ha ki: “Hato me tharai ba me kham bhabriew ban ïano ïano ruh? Men leit hiar sha ka pyrthei kiba ïap bad thiah hangta hapdeng ki bymriewblei.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

SEKHARAÏAH 12:3

Hynrei haba kata ka por ka poi, ngan pynlong ïa ka Jerusalem kum u maw uba khia — kano kano ka jaitbynriew kaba pyrshang ban rah ïa ka kan mynsaw. Baroh ki jaitbynriew jong ka pyrthei kin ïasoh lang kum ka bor shipai ban tur ïaleh ïa ka.

SEKHARAÏAH 2:8

Uno uno uba shoh ïa phi u shoh ïa uta uba kordor eh ha nga.” Kumta U Trai Badonbor Baroh u la phah ïa nga lem bad kane ka khubor ïa ki jaitbynriew kiba la lute ïa ki briew jong u:

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 17:10

Hangne mynta nga kob ïa ka kynhun ïapom ki Israel. Nga kob ïa phi ba phin phah da uno uno ban ïaleh bad nga!”

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:35

nga buddien ïa u, nga ïaleh bad u, bad nga pyllait im ïa uta u khunlangbrot. Bad lada u sing ne ka dngiem ki kynrup ïa nga, nga kem na ka ryndang bad nga tangon haduh ba kin da ïap.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”

1 SAMUEL 18:17

Nangta u Saul u ong ha u Dabid, “Kane ka dei ka Merab ka khun jong nga kaba kham shuwa. Ngan ai ïa ka ha me kum ka tnga jong me halor ka kyndon ba me dei ban shakri ïa nga kum u shipai bashlur bad baïaineh, bad ïaleh ïa ki thma U Trai.” (U Saul u nang pyrkhat ba ha kane ka rukom ki Philistia kin ïoh pynïap ïa u Dabid bad um da donkam ban leh da lade.)

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.