1 SAMUEL 17:34 - Khasi CL Bible (BSI)

³⁴ “Syiem Kynrad,” u Dabid u ong, “Nga la ju sharai ïa ki langbrot i pa jong nga. Man ba u sing lane ka dngiem ki wan rong ïa u khunlangbrot,

KA BAIBL

³⁴ Te u Dabid u la ong ha u Saul, “U shakri jong me u la sumar ïa ki langbrot u kpa jong u: te ki la mih u sing bad ka dngiem, bad ki la kynrup ïa u khun langbrot na ka kynhun,

1 SAMUEL 17:34 ပူးပေါင်းရင်းမြစ်များ

JENESIS 31:39

Man ka por ba ka langbrot ka shah pynïap ha ki mradkhlaw, nga kitkhlieh hi ma nga. Ngam ju wanrah ïa kata ban pyn-i ha phi ba kam shym dei ka jingbakla jong nga. Phi dawa ba ma nga hi ngan hap buria ïa kaba lah shah tuh la ka long mynsngi lane mynmiet.

2 SAMUEL 17:8

Phi tip ba u Dabid, u kpa jong phi bad ki rangbah jong u ki long ki nongïaleh kiba satar, bad ba ki long kiba shyrkhei kum ka dngiem kmie kaba la shah knieh ïa ki khun jong ka. U kpa jong phi u dei u shipai uba la mlien bha bad um ju sah bad la ki rangbah mynmiet.

2 SAMUEL 23:20

U Benaïah, u khun jong u Jehoïada, uba na Kabseel, u dei uwei pat u shipai uba pawnam; u la leh shibun ki kam shlur; kynthup ka jingpynïap ïa ki ar ngut ki khla-ka-wait jong ki Moab. Shisien u la leit hiar sha ka thliew ha ka sngi ba hap ïor bad u pynïap ïa u sing.

1 KHRONIKL 11:22

U Benaïah u khun jong u Jehoïada na Kabseel u long u shipai bapawnam; u la leh shibun ki kam shlur, kaba kynthup ïa ka jingpynïap ïa ki ar ngut ki rangïapom bakhraw ka Moab. Shisien ha ka sngi ba hap ïor u la leit shapoh ka krem bad hangta u pynïap ïa uwei u sing.

SALM 143:5

Nga kynmaw ïa ki sngi ba la leit noh; nga pyrkhat ïa kata baroh kaba me la leh, nga kynmaw ïa baroh ki jingleh jong me.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

SEKHARAÏAH 11:16

Nga la buh u nongaplangbrot ban khmih ïa ka kynhun langbrot jong nga, hynrei um shym la ïarap ïa ki langbrot kiba la shah byrngem da ka jingpynjot; lymne ba u leit wad ïa kaba la jah noh, lane pynkhiah ïa kito kiba la mynsaw, lane bsa ïa kiba khiah. Pynban u bam ïa ka doh jong ki langbrot kiba sngaid bad u weng noh ïa ki khnap jong ki.

SEKHARAÏAH 9:7

Kin ym lah shuh ban bam ïa ka doh lem bad ka snam ha ka, lane ïa kiwei pat ki jingbam ba la mana. Baroh kiba lait im kin long ka bynta jong ki briew jong nga bad kin long kum ka kur ha ka jait Judah. Ka Ekron kan kylla long ka bynta jong ki briew jong nga, kumba ki Jebus ki la long.

LOUKAS 2:8

La don katto katne ngut ki nongap langbrot ha kata ka bynta jong ka ri kiba la sahmiet ha ki lum, da kaba sumar ïa ki kynhun langbrot jong ki.

ÏOANNIS 10:11

“Nga, nga long u nongaplangbrot uba bha, uba kloi ban ïap na ka bynta ki langbrot.

Ka Shithi U Paul Sha Ki Nong Rom 5:4

ka jingïaishah ka wallam ïa ka jingmynjur U Blei, bad ka jingmynjur jong u ka pynlong ka jingkyrmen.

HEBRU 11:33

Da ka jingngeit ki la ïaleh pyrshah ïa baroh ki hima bad ki la jop. Ki la leh ïa kaei kaba dei hok bad ki la ïohpdiang ïa kaei kaba U Blei u la kular.

JINGPYNPAW 13:2

Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.

NONGBISHAR 14:6

Mar kumta, ka bor jong U Trai ka pynïoh bor ïa u Samson, bad u Samson u kad ïa uta u sing da la ki kti, kumba kad ïa i khunblang. Hynrei um shym ïathuh ha la u kpa ne ha ka kmie ïa kaei kaba u la leh.

1 SAMUEL 17:15

u Dabid u ju iehnoh ïa ki bad u leit phai sha Bethlehem na kawei ka por sha kawei pat ban sharai ïa ki langbrot u kpa jong u.

1 SAMUEL 17:33

“Em,” la jubab u Saul. “Kumno men lah ban leit ïaleh ïa u? Me long tang u khynnah, katba ma u, u la long u shipai ha baroh ka jingim jong u!”

1 SAMUEL 17:35

nga buddien ïa u, nga ïaleh bad u, bad nga pyllait im ïa uta u khunlangbrot. Bad lada u sing ne ka dngiem ki kynrup ïa nga, nga kem na ka ryndang bad nga tangon haduh ba kin da ïap.