1 SAMUEL 17:26 - Khasi CL Bible (BSI)

²⁶ U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

KA BAIBL

²⁶ Te u Dabid u la kren ha kita ki briew kiba ïeng hajan jong u, u da ong, “Yn leh aïu ïa uta u briew u ban pynïap ïa une u Philistia, bad u ban pynduh noh ïa kane kaba jahburom na Israel? naba uei une u Philistia uba khlem otsher, ba u beiñ ïa ki paidïapom jong U Blei u ba-im?”

1 SAMUEL 17:26 ပူးပေါင်းရင်းမြစ်များ

2 SYIEM 19:4

U patsha ka Assyria u la phah ïa u rangbah synshar ba-halor tam ban ibeiñ ïa U Blei uba im. To ai ba U Trai U Blei jong phi un ïohsngew ïa kine ki jingibeiñ bad un pynshitom ïa kito kiba kren ha ki. Kumta duwai ha U Blei na ka bynta kito ki briew kiba lait im.”

2 KHRONIKL 32:17

Ka shithi kaba u patsha u la thoh ka kren pyrshah ïa U Trai, U Blei ki Israel. Ka ong, “Ki blei jong ki hima kim shym lah ban pyllait ïa ki briew jong ki na ka bor jong nga, bad da lei lei U Blei jong u Hesekaïah un ym lah ban pyllait im ïa la ki briew na nga.”

NEHEMAÏAH 5:9

Nangta nga ong, “Kaei kaba phi leh ka long kaba bakla! Phi dei ban kohnguh ïa U Blei bad leh ïa kaei kaba dei, khnang ba phin ym pynlong ïa ki nongshun jong ngi, ki Jentil, ïa kano kano ka daw ba kin krenbeiñ ïa ngi.

SALM 44:13

Ki paramarjan jong ngi ki ïohi ïa kaei kaba me leh ïa ngi, bad ki krenbeiñ ïa ngi bad ki rkhie ïa ngi.

SALM 74:18

Hynrei to kynmaw, A Trai, ba ki nongshun jong me ki rkhiebeiñ ïa me, ba ki long ki bym don blei bad ki ibeiñ ïa me.

SALM 79:12

A Trai, to siew kylliang hynñiew shah ïa kiwei pat ki jaitbynriew na ka bynta ki jingrkhiebeiñ baroh kiba ki la shat ha me.

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 9:25

U Trai u ong, “Ka por ka wan haba ngan pynshitom ïa ki briew ka Ijipt, ka Judah, ka Edom, ka Ammon, ka Moab, bad ki briew ka ri shyiap, kiba la ot lyngkot ïa ki shñiuh jong ki. Kine ki briew baroh ki long kiba la otsher, hynrei ki bym shym la bat ïa ka jutang kaba ka thmu. Ym don mano mano na kine ki briew bad ym don mano mano na ki paid Israel kiba la bat ïa kane ka jutang jong nga.”

ESEKIEL 28:10

Men ïap kum u ksew ha ka kti jong ki nongwei bym don blei. Ma nga, U Trai Nongsynshar, nga la ai ïa ka hukum.”

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

JOEL 2:19

U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

DEUTERONOMI 5:26

Ju don mo u briew uba dang im hadien ba u la ïohsngew ïa U Blei uba im ba u kren napdeng ka ding?

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

1 SAMUEL 11:2

U Nahash u jubab, “Ngan ïateh jutang bad phi halor kawei ka kyndon: Ngan khlaw ïa ka khmat kamon jong phi baroh, bad da kumta ngan pynjahburom halor ki Israel baroh.”

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 17:10

Hangne mynta nga kob ïa ka kynhun ïapom ki Israel. Nga kob ïa phi ba phin phah da uno uno ban ïaleh bad nga!”

1 SAMUEL 17:30

U phai sha uwei pat u rangbah bad u kylli ïa u ïa kajuh ka jingkylli, bad man ba u kylli, u ïoh ïa kajuh ka jubab.

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.