1 SAMUEL 17:12 - Khasi CL Bible (BSI)

¹² U Dabid u dei u khun jong u Jesse, uba dei u nong Ephrath na Bethlehem kaba ha Judah. U Jesse u don phra ngut ki khun shynrang, bad ha ka por ba u Saul u long syiem, u la tymmen bha.

KA BAIBL

¹² Te u Dabid u la long u khun jong u nong Ephrath na Bethlehem Judah, uba kyrteng u Jesse; bad u la don phra ngut ki khun shynrang: te ha ki sngi u Saul, ïa une u briew la ñiew riewtymmen hapdeng ki briew.

1 SAMUEL 17:12 ပူးပေါင်းရင်းမြစ်များ

JENESIS 35:19

Haba ka Rakhel ka la ïap, la tep ïa ka harud ka lynti kaba leit sha Ephrath, ïa kaba la tip mynta kum ka Bethlehem.

2 SAMUEL 23:1

U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

SALM 132:6

Ha Bethlehem ngi la ïohsngew shaphang ka Synduk ka Jutang, bad ngi la shem ïa ka ha ki madan ka Jearim.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MATHAÏOS 2:1

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli,

MATHAÏOS 2:6

“ ‘Ko Bethlehem ha ka ri Judah, pham long kaba rit tam hapdeng ki nongbah kiba paw jong ka Judah; namar na pha un mih u nongïalam u ban kdew lynti ïa ki briew jong nga ki Israel.’ ”

RUTH 4:17

Ki kynthei kiba sah marjan ki pynkyrteng ïa uta u khynnah, u Obed. Ki ïathuh ïa uwei pa uwei, “La kha khun shynrang ïa ka Naomi!” U Obed u kylla long u kpa jong u Jesse, uba long u kpa jong u Dabid.

1 SAMUEL 1:1

La don u briew uba kyrteng u Elkanah, uba na ka jait Ephraim, uba shong ha ka shnong Ramah kaba ha ri lum Ephraim. U dei u khun jong u Jeroham bad u khun ksiew jong u Elihu, bad u dei na ka longïing jong u Tohu kaba hap hapoh ka jait Suph.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 17:11

Haba u Saul bad ki briew jong u ki ïohsngew ïa kane, ki la sngewsheptieng her.

1 SAMUEL 17:58

U Saul u kylli ïa u, “Ko samla, me dei u khun jongno?” “Nga dei u khun jong u shakri jong phi, u Jesse, uba na Bethlehem,” U Dabid u jubab.