1 SAMUEL 16:7 - Khasi CL Bible (BSI)

⁷ Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”

KA BAIBL

⁷ Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”

1 SAMUEL 16:7 ပူးပေါင်းရင်းမြစ်များ

JENESIS 4:5

Te U Trai u la sngewbha eh ïa u Abel bad ïa ka jingainguh jong u; hynrei u la kyntait ïa u Kain bad ïa ka jingainguh jong u. U Kain u la bitar lep, bad ka durkhmat jong u ka la kylla ha ka jingbitar.

2 SAMUEL 14:25

Ym don mano mano ha Israel uba pawnam ha ka jingbhabriew kat u Absalom; um don kano kano ka jingduna naduh khlieh haduh sla'jat.

2 SAMUEL 7:20

Sa kaei shuh nga lah ban ong ha me! Me ithuh ïa nga u shakri jong me.

1 SYIEM 8:39

To shahshkor ïa ki na ka ïing jong me ha bneng, map ïa ki, bad ïarap ïa ki. Tang ma me hi uba tip ïa ki jingmut jong ka dohnud briew.

1 KHRONIKL 17:18

Aïu ngan ong shuh ha me! Me tip bha ïa nga, bad pynban me pyndonburom ïa nga, u shakri jong me.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

2 KHRONIKL 6:30

To shahshkor ïa ki na ka ïing jong me ha bneng bad to map ïa ki. Tang ma Me, me tip ïa ki jingpyrkhat ka dohnud briew. To leh ïa uwei pa uwei u briew kumba ka dei ïa u,

Ka Kitab U Job 10:4

Hato me ïohi ïa kiei kiei kumba ngi ïohi?

Ka Kitab U Job 35:5

To khmied sha ka suiñbneng! Peit katno ka jingjngai jong ki lyoh!

SALM 139:2

Me tip ïa kiei kiei baroh kiba nga leh; na jngai bah me sngewthuh ïa ki jingmut jong nga baroh.

SALM 7:9

Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

PROBERB 15:11

Wat ka pyrthei kiba ïap kam lah ban buhrieh na U Trai ba un ym tip kaei kaba don hangta; kumno te ngi lah ban buhrieh ïa ki jingmut jingpyrkhat jong ngi na U Blei?

PROBERB 16:2

Phi lah ban pyrkhat ba baroh kaba phi leh ka long kaba dei, hynrei dei U Trai uba bishar ïa ki jingthmu jong phi.

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

PROBERB 31:30

Ka jingbhabriew ka long ka jingshukor bad ka jingitynnat ka jah noh, hynrei ka kynthei kaba tiengburom ïa U Trai ka dei ban ïoh ïaroh.

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 20:12

Hynrei, ko Trai Badonbor Baroh, me tynjuh hok ïa ki briew; me tip kaei kaba don hapoh ki dohnud bad ka jingmut jong ki. Kumta shah ngan ïohi ba me pynhiarkput halor ki nongshun jong nga, namar nga la buh ïa ka kam jong nga ha ki kti jong me.

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

ÏOANNIS 7:24

Wat shu bishar tang da ki jingthew na shabar, bad bishar da ki jingthew bashisha.”

ÏOANNIS 8:15

Phi pynlong ïa ki jingbishar kat kum ka rukom briew; ngam ai jingbishar ïano ïano ruh.

KI KAM 1:24

Nangta ki la duwai, “A Trai, me tip ïa ki jingpyrkhat jong uwei pa uwei, kumta pyn-i ha ngi uno na kine ar ngut uba me la jied

2 KORINTH 10:10

Don u ban ong, “Ki shithi u Paul ki long kiba pyrkhing bad kiba khia, hynrei haba u don bad ngi markhmat, u long uba tlot, bad ki ktien jong u kim long ei ei!”

2 KORINTH 10:7

Phi khmih ïa kiei kiei kiba paw shabar. Hato don mano mano hangto uba dawa ne kaba dawa ïa lade ba phi dei jong U Khrist? La kumno kumno, ai ba un pyrkhat biang shaphang ïa lade, namar ngi long ki jong U Khrist, kumba long ma u hi.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

1 PETROS 2:4

To wan sha U Trai, u maw uba im uba la kyntait da u briew kum u bymmyntoi hynrei uba la jied da U Blei ba u long uba kordor.

1 PETROS 3:4

Pynban, ka jingbhabriew jong phi ka shong ha ka jinglong bashisha hapoh jong phi, ka jingbhabriew bym sti noh jong ka mynsiem ba long jai jai bad bajar jar, kaba long kaba khraw tam ha khmat U Blei.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

1 SAMUEL 2:3

Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.

1 SAMUEL 9:2

U don u khun shynrang uba kyrteng u Saul, u samla uba bhabriew ha ka por samla bha. U Saul u long uba jrong bha ban ïa uno uno ha Israel bad u long ruh uba kham bhabriew.