1 SAMUEL 16:5 - Khasi CL Bible (BSI)

⁵ “Ho-oid” u jubab. “Nga la wan ban ai ka jingkñia ainguh ha U Trai. Pynkhuid ïa lade, bad wan bad nga.” U ong ruh ïa u Jesse bad ki khun shynrang jong u ban pynkhuid ïa lade, bad u khot sngewbha ïa ki sha kata ka jingkñia.

KA BAIBL

⁵ U te u la ïathuh, “Ïa kaba suk keiñ: nga la wan ïa ka ban kñia ha U Trai: to pynkyntang ïa lade, bad wan bad nga sha kata ka jingkñia.” Bad u la pynkyntang ïa u Jesse bad ïa ki khun shynrang jong u, bad u la khot ïa ki sha kata ka jingkñia.

1 SAMUEL 16:5 ပူးပေါင်းရင်းမြစ်များ

JENESIS 35:2

Kumta u Jakob u ong ha la ki ba-ha-ïing ha-sem bad ha kita baroh kiba don lem bad u, “Bret noh ïa ki blei nongwei baroh kiba phi don; pynkhuid ïa lade, bad phong da ki jaiñ kiba khuid.

1 SYIEM 2:13

Nangta u Adonijah, uba ka kmie jong u ka dei ka Haggith, u la leit sha ka Bathsheba, kaba dei ka kmie jong u Solomon. “Hato kane ka dei ka jingwan jngoh kaba sngewtynnat? “Ka dei,” u jubab,

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

EKSODOS 19:10

bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

JOEL 2:16

To ïalumlang ïa ki paidbah; to pynkhreh ïa ki na ka bynta ka jingïalang bakyntang; to wallam ki briew ba la tymmen; to ïalumlang ïa ki khynnah bad ki khunlung ruh. Wat kito kiba dang shu dep shongkurim ki dei ban mihnoh na la ka kamra bad ban wan.

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.

JINGKHEIÑ 11:8

Ka hap ha ka jaka shong dara mynmiet ryngkat bad ka umjer. Ha ka step kaba bud ki briew ki leit kylleng kylleng ban khar ïa ka, ki tylliat ïa ka lane dung pynni ïa ka, bad nangta ki shet bad pynlong kpu stang ïa ka. Ka jingmad ka long kum u kpu ba la shet ha ka umphniang Olib.)

1 KORINTH 11:28

Kumta te, uwei uwei baroh u dei ban ïit nyngkong ïa lade, bad nangta un bam ïa u kpu bad dih na ka khuri.

JOSHUA 3:5

U Joshua u ong ha ki paidbah, “Pynkhuid ïa lade, namar lashai U Trai un leh ki kambah hapdeng jong phi.”

JOSHUA 7:13

Ïeng joit! Pynkhuid ïa u paidbah bad pynkhreh ban wan ha khmat jong nga. Bthah ïa ki ban long kiba la kloi lashai ka sngi, namar ma nga, U Trai U Blei ki Israel nga don kane ban ong: ‘Israel, phi don ha ki jingdon jingem jong phi katto katne kiba nga la hukum ïa phi ban pynjot! Phim lah ban ïeng pyrshah ïa ki nongshun jong phi tad haduh ba phin da lait na kine kiei kiei!’

1 SAMUEL 20:26

Ka jaka shong u Dabid ka thylli, hynrei u Saul um shym ong ei ei ha kata ka sngi, namar u pyrkhat, “Kaei re kaei ka la jia ïa u, bad um shym long uba bit kat kum ka jinglehniam.”