1 SAMUEL 16:16 - Khasi CL Bible (BSI)

¹⁶ Kumta, syiem kynrad, ai ka hukum ïa ngi bad ngin leit wad ïa u briew uba nang ban tem duitara. Te haba u mynsiem bymman u wan ha phi, uta u briew un tem ïa la ka duitara, bad phin sa shait sa koit pat.”

KA BAIBL

¹⁶ To ai te ba u kynrad jong ngi un hukum ïa la ki shakri, kiba ha khmat jong me, ba kin wad da u briew uba nang tem duitara: te kan jia, haba uta u mynsiem bymman uba na U Blei u wan ha me, ba u ruh un tem da la ka kti, bad me ruh men bha.”

1 SAMUEL 16:16 ပူးပေါင်းရင်းမြစ်များ

JENESIS 41:46

U Joseph u la dap laiphew snem ka rta mynba u sdang ban treikam na ka bynta u syiem Ijipt. U la iehnoh ïa ka ïingsyiem bad u leit kylleng ka ri Ijipt.

1 SYIEM 10:8

Ki tnga jong phi katno ki long kiba donbok! Bad ki shakri jong phi katno ki long kiba donbok, ki don ryngkat bad phi borabor bad ban ïohlad ban ïohsngew ïa ki kyntien jingstad jong phi!

2 SYIEM 3:15

Mynta wallam ha nga ïa u nongtem.” Katba u nongtem u dang tem ïa la ka duitara, ka bor jong U Trai ka la wan halor u Elisha,

1 SAMUEL 10:5

Nangta men leit kiew sha u Lum jong U Blei ha Gibeah, ha kaba don ka jaka sher dara jong ki Philistia. Ha ka jaka rung shapoh shnong, men ïakynduh ïa ka kynhun ki nongïathuhlypa kiba dang wan hiar na ka duwan kaba ha uta u lum, ki da tem da put ïa ki duitara, ki ksing, ki sharati, bad ki kanjari. Kin sa ïashad bad ïarisa.

1 SAMUEL 16:14

U Mynsiem jong U Trai u la iehnoh ïa u Saul, bad u mynsiem bymman ba la phah da U Trai u pynjynjar ïa u.

1 SAMUEL 16:15

Ki shakri jong u ki ong ha u, “Ngi tip ba u mynsiem bymman ba la phah U Blei u pynjynjar ïa phi.

1 SAMUEL 16:17

U Saul u hukum ïa ki, “Pynïoh ïa nga u briew uba nang bha ban tem bad wan ïalam ïa u sha nga.”

1 SAMUEL 18:10

Ha ka sngi kaba bud, u mynsiem bymman na U Blei kynsan kynsan u ïoh tylli ïa u Saul, bad u pynkulmar ha ïing la kum uba lamwir. U Dabid u dang tem ïa ka duitara, kumba u ju leh man ka sngi, bad u Saul u bat ïa la u sum.

1 SAMUEL 19:9

Ha kawei ka sngi u mynsiem bymman na U Trai u wan tyllep ïa u Saul. U dang shong ha la ïing bad u sum ha la ka kti, bad u Dabid u don hangta, u dang tem ïa la ka duitara.