1 SAMUEL 16:13 - Khasi CL Bible (BSI)

¹³ U Samuel u shim ïa ka umphniang Olib bad u pynsleh ïa u Dabid ha khmat ki hynmen jong u. Hangta hi U Mynsiem U Trai u wan borbah ha u Dabid bad u long ryngkat bad u naduh kata ka sngi. Nangta u Samuel u leit phai noh sha Ramah.

KA BAIBL

¹³ Te u Samuel u la shim ïa kata ka reng umphniang, bad u la pynsleh ïa u hapdeng kita ki hynmen jong u: bad U Mynsiem U Trai u la wan jur ha u Dabid naduh kata ka sngi. Ynda kumta, u Samuel u la khie, bad u la leit sha Ramah.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

“Phi long uta u briew,” u Nathan u ong ha u Dabid. “Bad kane ka dei kaei kaba U Trai U Blei ki Israel u ong: ‘Nga la pynlong ïa me u syiem Israel bad pyllait im ïa me na u Saul.

2 SAMUEL 2:4

Nangta ki rangbah ka Judah ki la wan sha Hebron bad ki la pynsleh ïa u Dabid kum u syiem ka Judah. Haba u Dabid u ïohsngew ba ki briew ka Jabesh ha Gilead ki la tep ïa u Saul,

2 SAMUEL 23:1

U Dabid, u khun jong u Jesse, u la long u briew uba U Blei u la pynlong khraw, uba U Blei u Jakob u la jied ban long syiem bad u la long u nongthaw ïa ki jingrwai ba-bang na ka bynta ki Israel. Kine ki long ki kyntien khatduh jong u Dabid:

2 SAMUEL 5:3

Kumta baroh ki nongïalam jong ki Israel ki la wan sha u Syiem Dabid ha Hebron. U la pynlong ïa jingïateh lok bakyntang bad ki, ki la pynsleh ïa u, bad u la long u syiem ki Israel.

2 SYIEM 9:6

Nangta ar ngut na ki, ki leit rung shapoh ïing, bad u nongïathuhlypa samla u theh ïa ka umphniang Olib ha ka khlieh u Jehu, bad u ong ha u, “U Trai, U Blei ki Israel u pynbna, ‘Nga pynsleh ïa me ban long u syiem jong ki briew jong nga, ki Israel.

1 KHRONIKL 11:3

Kumta baroh ki tymmen ki san jong ki Israel ki wan sha u syiem Dabid ha Hebron. U pynlong ka jingïateh lok kaba kyntang bad ki, ki pynsleh ïa u, bad u la long u syiem ka Israel, kumba U Trai u la kular lyngba u Samuel.

SALM 89:20

Nga la pynlong ïa u Dabid u shakri jong nga ban long syiem, da kaba pynsleh ïa u da ka umphniang bakhuid.

SALM 89:21

Ka jingkhlaiñ jong nga kan ïai don sah bad u, ka bor jong nga kan pynkhlaiñ ïa u.

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

JINGKHEIÑ 27:18

Te U Trai u ong ha u Moses, “Shim ïa u Joshua u khun jong u Nun, u briew uba lah, bad buh ïa ki kti jong me halor ka khlieh jong u.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

HEBRU 1:9

Me ieit ïa kaei kaba dei bad me isih ïa ka bymdei. Namarkata U Blei, U Blei jong me, u la jied ïa me bad u la ai ha me ïa ka jingkmen ka jingpyndonburom kaba kham khraw ban ïa kaba u ai ïa ki paralok jong me.”

HEBRU 11:32

Hato ngan dang ïai bteng? Ngam don por shibun ban ïathuh shaphang u Gideon, u Barak, u Samson, u Jepthah, u Dabid, u Samuel bad ki nongïathuhlypa.

NONGBISHAR 11:29

Te U Mynsiem jong U Trai u wan ha u Jephthah. U ïaid lyngba ïa ka Gilead bad ka Manasseh bad u wan phai sha Mispah ha Gilead, bad nangta u leit sha Ammon.

NONGBISHAR 13:25

Bad ka bor U Trai ka la sdang ban pynkhlaiñ ïa u katba u dang don hapdeng Sorah bad Eshtaol ha ka jaka sher dara jong ki Dan.

NONGBISHAR 14:6

Mar kumta, ka bor jong U Trai ka pynïoh bor ïa u Samson, bad u Samson u kad ïa uta u sing da la ki kti, kumba kad ïa i khunblang. Hynrei um shym ïathuh ha la u kpa ne ha ka kmie ïa kaei kaba u la leh.

NONGBISHAR 3:10

U Mynsiem jong U Trai u la wan ha u, bad u kylla long u nongïalam jong ki Israel. U Othniel u leit sha ka thma, bad U Trai u la ai ha u ka jingjop halor u syiem ka Mesopotamia.

1 SAMUEL 1:19

Ha ka step kaba bud u Elkanah bad baroh kiba ha ka ïing jong u ki la khie dang step phyrngab, bad hadien ba ki la mane ïa U Trai; ki leit phai pat sha la ïing ha Ramah. U Elkanah u ïathiah shongkha bad ka Hannah ka tnga jong u, bad U Trai u jubab ïa ka jingduwai jong ka.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 10:6

Kynsan kynsan, U Mynsiem jong U Trai un wan da ka bor ha me, bad me ruh men ïashad bad ïarisa lang bad ki, bad men kylla long da uwei pat u briew.

1 SAMUEL 11:6

Haba u Saul u ïohsngew ïa kane, U Mynsiem jong U Blei u wan ha u da ka bor, bad u bitar lep.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”

1 SAMUEL 18:12

U Saul u sheptieng ïa u Dabid namar ba U Trai u don ryngkat bad u Dabid hynrei U la kynriah noh na u Saul.

1 SAMUEL 2:35

Ngan jied ïa u lyngdoh u ban kohnguh ïa nga bad leh ïa kata baroh kaba nga kwah ïa u. Ngan ai ha u ki khun ki ksiew ki ban ïai shakri ha khmat u syiem uba la jied jong nga.