1 SAMUEL 16:1 - Khasi CL Bible (BSI)

¹ U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

KA BAIBL

¹ Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 16:1 ပူးပေါင်းရင်းမြစ်များ

1 SYIEM 8:16

‘Naduh ka por ba nga la wan ïalam ïa ki briew jong nga na Ijipt, ngam shym la jied kano kano ka nongbah na baroh ka ri Israel ban tei hangta ïa ka Templ ha kaba yn mane ïa nga. Hynrei nga la jied ïa me, u Dabid, ban synshar ïa ki briew jong nga.’ ”

2 SYIEM 9:1

Ha kajuh ka por u Elisha u nongïathuhlypa u la khot ïa uwei na ki nongïathuhlypa samla, bad u ong ha u, “Khreh bad leit sha Ramoth ha Gilead. Rah ïa une u khiew umphniang Olib bad me,

2 SYIEM 9:3

theh ïa kane ka umphniang Olib ha ka khlieh jong u, bad ong, ‘U Trai u pynbna ba u pynsleh ïa me ban long u syiem ki Israel.’ Hadien kata mihnoh nangta kloi katba lah.”

2 SYIEM 9:6

Nangta ar ngut na ki, ki leit rung shapoh ïing, bad u nongïathuhlypa samla u theh ïa ka umphniang Olib ha ka khlieh u Jehu, bad u ong ha u, “U Trai, U Blei ki Israel u pynbna, ‘Nga pynsleh ïa me ban long u syiem jong ki briew jong nga, ki Israel.

1 KHRONIKL 11:3

Kumta baroh ki tymmen ki san jong ki Israel ki wan sha u syiem Dabid ha Hebron. U pynlong ka jingïateh lok kaba kyntang bad ki, ki pynsleh ïa u, bad u la long u syiem ka Israel, kumba U Trai u la kular lyngba u Samuel.

1 KHRONIKL 28:4

U Trai U Blei ki Israel, u la jied ïa nga bad ïa ki khun ki ksiew jong nga ban synshar junom ïa ki Israel; u la jied ïa ka jait Judah ban pynmih nongïalam, bad na ka jait Judah u la jied ïa ka ïing u kpa jong nga. Na baroh kata ka longïing ka long ka jingsngewbha jong u ban shim ïa nga bad ban pynlong ïa nga u syiem halor ki Israel baroh.

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 55:4

Nga la pynlong ïa u, u nongïalam bad u nongai hukum ïa ki jaitbynriew; bad lyngba jong u nga la pyn-i ha ki ïa ka bor jong nga.

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 6:30

Yn khot ïa ki, ka eitnar bymdondor, namar ma nga, U Trai, nga la kyntait ïa ki.”

JEREMAÏAH 7:16

U Trai u ong, “Ko Jeremaïah, wat duwai na ka bynta kine ki briew. Wat ïam lane duwai na ka bynta jong ki; wat ïasaid bad nga, namar ngan ym shahshkor ïa me.

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

Ka Shithi U Paul Sha Ki Nong Rom 15:12

Nangta, u Isaïah u ong, “Uba hiarpateng na u Jesse un wanpaw; un wan ban synshar ïa ki Jentil, bad kin buh ïa ka jingkyrmen jong ki ha u.”

HEBRU 11:32

Hato ngan dang ïai bteng? Ngam don por shibun ban ïathuh shaphang u Gideon, u Barak, u Samson, u Jepthah, u Dabid, u Samuel bad ki nongïathuhlypa.

1 ÏOANNIS 5:16

Lada phi ïohi ïa la u parabriew ba u leh ïa ka pop ka bym ïalam sha ka jingïap, phi dei ban duwai ha U Blei, u ban ai ha u ïa ka jingim. Kane ka ïadei ïa kito kiba ki pop jong ki, kim ïalam sha ka jingïap. Hynrei ka don ka pop kaba ïalam sha ka jingïap, bad ngam ong ba phi dei ban duwai sha U Blei shaphang kata.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

1 SAMUEL 15:26

“Ngan ym leit phai bad phi,” u Samuel u jubab. “Phi la kyntait ïa ka hukum U Trai, bad u la kyntait ïa phi kum u syiem ki Israel.”

1 SAMUEL 15:35

Katba u Samuel u dang im, um shym ïohi shuh ïa u syiem; hynrei u khuslai sat na ka bynta jong u. U Trai u la sngewsih ba u la thung ïa u Saul kum u syiem ki Israel.

1 SAMUEL 16:15

Ki shakri jong u ki ong ha u, “Ngi tip ba u mynsiem bymman ba la phah U Blei u pynjynjar ïa phi.

1 SAMUEL 16:23

Naduh nangta hi, man ka por ba uta u mynsiem bymman ba phah U Blei u wan ha u Saul, u Dabid u shim ïa la ka duitara bad u tem ïa ka. Uta u mynsiem bymman u mihnoh, bad u Saul ruh u sngewpyngngad kdar, bad u shait u koit pat.

1 SAMUEL 17:12

U Dabid u dei u khun jong u Jesse, uba dei u nong Ephrath na Bethlehem kaba ha Judah. U Jesse u don phra ngut ki khun shynrang, bad ha ka por ba u Saul u long syiem, u la tymmen bha.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”