1 SAMUEL 15:26 - Khasi CL Bible (BSI)

²⁶ “Ngan ym leit phai bad phi,” u Samuel u jubab. “Phi la kyntait ïa ka hukum U Trai, bad u la kyntait ïa phi kum u syiem ki Israel.”

KA BAIBL

²⁶ Te u Samuel u la ong ha u Saul, “Ngan ym leit phai bad me: naba me, me la kyntait ïa ka ktien U Trai, bad U Trai ruh u la kyntait ïa me na kaba long syiem halor ki Israel.”

1 SAMUEL 15:26 ပူးပေါင်းရင်းမြစ်များ

JENESIS 42:38

Hynrei u Jakob u ong, “U khun jong nga um lah ban leit ryngkat bad phi; u hynmen jong u, u la ïap, bad u sah sa tang marwei. Kaei kaei ka lah ban ngat ha u ha lynti. Nga dei u briew uba la tymmen, bad ka jingsngewsih kaba phin pynjia ha nga kan sa pynïap ïa nga.”

2 SAMUEL 12:9

Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

2 SAMUEL 7:15

Hynrei ngan ym weng noh na u ïa la ka jingkyrshan kumba nga la weng noh na u Saul, ïa uba nga la pynkynriah noh khnang ba men long syiem ma me.

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

HOSIA 13:11

Ha ka jingbitar jong nga, nga la ai ha phi ïa ki syiem, bad ha ka jingbitar shla jong nga, nga la shim noh ïa ki.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

2 ÏOANNIS 1:11

Naba uno uno uba ai khublei da ka jingsuk, u kylla long uba ïatreilang ha ki kam sniew ba u leh.

1 SAMUEL 13:14

Hynrei mynta ka jingsynshar jong phi kan ym bteng. Namar ba phim shym kohnguh ïa u, U Trai un wad ïa u briew uba u kwah bad un thung ïa u ban long nongsynshar ïa ki briew jong u.”

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

1 SAMUEL 15:31

Kumta u Samuel u leit phai ryngkat bad u, bad u Saul u la mane ïa U Trai.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 28:18

Namar ba mem shym la kohnguh ïa ka hukum U Trai, bad mem shym la pynjot thiaw ïa ki Amalek bad ïa baroh kat kaba ki don. Na kata ka daw U Trai u la leh kumne ïa me mynta.