1 SAMUEL 15:24 - Khasi CL Bible (BSI)

²⁴ “Ho-oid, nga la leh pop,” u Saul u jubab. “Ngam shym kohnguh ïa ka hukum U Trai bad ïa ki jingsneng pyn-i jong phi. Nga la sheptieng ïa ki rangbah jong nga bad nga la leh ïa kaei kaba ki kwah.

KA BAIBL

²⁴ Te u Saul u la ong ha u Samuel, “Nga la leh pop: namar ba nga la palat ïa ka hukum U Trai, bad ïa ki ktien jong me: naba nga la sheptieng ïa ki paidbah, bad ba nga la kohnguh ïa ki ktien jong ki.

1 SAMUEL 15:24 ပူးပေါင်းရင်းမြစ်များ

JENESIS 3:12

Uta u briew u ong, “Ka briew kaba me la buh hangne bad nga, ka la ai ha nga ïa u soh, bad nga la bam.”

JENESIS 3:17

Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

2 SAMUEL 12:13

“Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

Ka Kitab U Job 31:34

Ngam pat ju sheptieng ïa kaei kaba ki briew kin ong; ngam ju sngap jar ne shong hapoh ïing namar ba sheptieng ïa ka jingkrenbeiñ jong ki.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

EKSODOS 10:16

Nangta u Pharaoh u phah khot kyrkieh ïa u Moses bad u Aaron, bad u ong, “Nga la leh pop pyrshah ïa U Trai U Blei jong phi, bad ïa phi ruh.

EKSODOS 23:2

Wat ïabud lang bad kiba bun paid haba ki leh ïa ka bymdei, ne haba ki ai sakhi ban pynkylla khongpong ïa ka jingbishar hok.

EKSODOS 9:27

U Pharaoh u la phah khot ïa u Moses bad u Aaron, bad u ong ha ki, “Ha kane ka sien nga la leh pop; U Trai u leh ïa kaba dei; ma nga bad ki briew jong nga ngi la leh bakla.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

JEREMAÏAH 38:5

U syiem Sedekaïah u la jubab, “To leh te ïa kaei kaba phi kwah ban leh ïa u; ngam lah ban khang ïa phi.”

JINGKHEIÑ 22:34

U Balaam u phai ktien, “Nga la leh pop. Ngam shym tip ba me ïeng hapdeng lynti ban khang ïa nga; hynrei mynta, lada kam dei ïa nga ban leit, ngan leit phai noh sha la ïing.”

MATHAÏOS 27:4

“Nga la leh pop da kaba nga shetkylla ïa u briew uba lui lui ban ïap!” u la ong. “Kan ïadei aïu kata bad ngi?” ki la jubab. “Kata ka dei ka kam jong me!”

GALATIA 1:10

Hato kane ka i kumba nga pyrshang ban ïoh jingpynshisha na u briew? Em, ym kumta! Kaei kaba nga kwah ka long ban pynshisha na U Blei! Hato nga pyrshang ban pynsngewbha ïa ki briew? Lada nga dang long uba pyrshang ban leh kumta, ngam pat long u shakri U Khrist.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

1 SAMUEL 15:15

U Saul u jubab, “Ki briew jong nga ki la shim ïa ki na ki Amalek. Ki la buh ïa ki langbrot bad ki masi kiba kynsai tam ban ainguh kum ka jingkñia ha U Trai U Blei jong phi, bad ïa kiba sah ngi la pynduh lut khoit.”

1 SAMUEL 15:30

“Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”

1 SAMUEL 15:9

Hynrei u Saul bad ki rangbah jong u ki pynsah im ïa u Agag, bad kim shym pynïap ïa ki langbrot bad ki masi kiba kynsai tam, ïa ki khun masi bad ki khunlangbrot kiba kynsai tam, bad ïa kano kano kaba kordor; ki la pynjot tang ïa kata ka bymlarkam ne bymdonkam ei ei shuh.

1 SAMUEL 2:29

Balei mynta pat, me da kwah rhah sa ïa ki jingkñia bad ki jingainguh ba nga dawa na la ki briew? Balei Eli ba me kham ai burom ïa la ki khun shynrang ban ïa nga da kaba me shah ba kin pynsngaid ïa lade da ki bynta kiba bha tam na ki jingkñia ba ki briew ki ai ha nga?

1 SAMUEL 26:21

U Saul u jubab, “Nga la leh bakla; wan phai pat ko Dabid, u khun jong nga. Namar ba phi la kheiñ kor ïa ka jingim jong nga ha kane ka miet, lano lano ngan ym pynmynsaw shuh ïa phi. Nga la leh bieit shisha, bad nga la bakla palat.”