1 SAMUEL 15:23 - Khasi CL Bible (BSI)

²³ Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

KA BAIBL

²³ Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”

1 SAMUEL 15:23 ပူးပေါင်းရင်းမြစ်များ

JENESIS 31:19

U Laban u la leit ban khap shñiuh ïa la ki langbrot, bad ha ka por ba um don ka Rakhel ka la tuh ïa ki blei ïing kiba long ki jong u kpa jong ka.

JENESIS 31:34

Ka Rakhel ka la shim ïa kita ki blei ïing bad ka la lah thep ïa ki hapoh ka jin ut bad ka shong halor jong ki. U Laban la u wad kylleng hapoh kata ka ïingjaiñ, hynrei um lap ïa ki.

2 SAMUEL 12:9

Balei te ba mem kohnguh ïa ki hukum jong nga? Balei ba me la leh ïa kane ka kam bymman? Me la pynlong ïa u Uriah ban shah pynïap ha ka thma; me la shah ïa ki Ammon ban pynïap ïa u, bad nangta me shim ïa ka tnga jong u!

2 SAMUEL 7:15

Hynrei ngan ym weng noh na u ïa la ka jingkyrshan kumba nga la weng noh na u Saul, ïa uba nga la pynkynriah noh khnang ba men long syiem ma me.

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

Ka Kitab U Job 34:37

Ha ki pop jong u, u pyndap da ka jingïaleh pyrshah; ha khmat jong ngi baroh u beiñ ïa U Blei.

SALM 107:11

namar ki la ïaleh pyrshah ïa ki hukum jong U Blei Badonbor Baroh bad ki la kyntait ïa ki jingbthah jong u.

EKSODOS 22:18

“Pynïap ïa kano kano ka briew kaba leh byrtong.

ISAÏAH 19:3

Ngan pynpulom ïa ki jingthmu jong ki nong Ijipt bad ngan pynjot ïa ka jingsngewskhem jong ki. Kin kyrpad ïa ki bleithaw jong ki ban ïarap ïa ki, bad kin leit ban kylli na ki nongleh byrtong bad kylli na ki mynsiem jong kiba ïap ban ïoh jingmut.

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 28:16

Bad kumta U Trai hi u ong ba un weng noh ïa me. Ha shuwa ban kut kane ka snem men ïap namar me la ong ïa ki briew ban ïeng ïaleh pyrshah ïa U Trai.”

HOSIA 13:11

Ha ka jingbitar jong nga, nga la ai ha phi ïa ki syiem, bad ha ka jingbitar shla jong nga, nga la shim noh ïa ki.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

LEBITIKOS 20:27

“Uno uno u briew lane ka briew kiba leh byrtong kin shah lynthem maw haduh ba kin da ïap; uno uno u briew uba leh ïa kane u pan kwah hi ïa ka jingïap.”

LEBITIKOS 20:6

“Lada uno uno u leit pan jingmut na ki briew kiba wad jingtip na ki mynsiem jong ki briew kiba la ïap, ngan phai pyrshah ïa u bad ngan ym ñiew shuh ïa u kum uwei na ki briew jong nga.

JINGKHEIÑ 14:9

Wat ïaleh pyrshah ïa U Trai bad wat sheptieng ïa ki briew kiba shong hangta. Ngin jop da kaba suk ïa ki. U Trai u don lem bad ngi bad u la jop ïa ki blei kiba ïada ïa ki; kumta te wat sheptieng.”

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

GALATIA 5:20

ha ka jingmane bleithaw bad ka jingai ksuid. Ki briew ki kylla long nongshun bad ki ïashoh; ki ïa-bishni, bitar, bad ki kwah eh. Ki ïa-pait ha ki seng bad ki kynhun;

DEUTERONOMI 9:24

Naduh ba nga la ithuh ïa phi, phi shait ïaleh pyrshah ïa U Trai.

DEUTERONOMI 9:7

“Wat ju klet kumno phi la pynbitar lep ïa U Trai ha ka ri shyiap. Naduh ka sngi ba phi mih na Ijipt haduh ba phi poi hangne, phi la ïaleh pyrshah ïa u.

JOSHUA 22:15

Ki la wan sha ka ri Gilead, sha ki paidbah jong ki jait Reuben, Gad, bad Manasseh ba sha Mihngi,

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

1 SAMUEL 13:14

Hynrei mynta ka jingsynshar jong phi kan ym bteng. Namar ba phim shym kohnguh ïa u, U Trai un wad ïa u briew uba u kwah bad un thung ïa u ban long nongsynshar ïa ki briew jong u.”

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 28:3

Mynta u Samuel u la ïap, bad baroh ki Israel ki la ïambriew ïa u bad ki la tep ïa u ha ka shnong jong u hi, ha Ramah. U Saul u la lah beh lut ïa ki nongai ksuid bad ki nongkren byrtong baroh na Israel.