1 SAMUEL 15:11 - Khasi CL Bible (BSI)

¹¹ “Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.

KA BAIBL

¹¹ “Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.

1 SAMUEL 15:11 ပူးပေါင်းရင်းမြစ်များ

JENESIS 6:6

u la sngewsih ba u lah thaw bad buh ïa ki ha ka pyrthei.

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

2 SAMUEL 24:16

Haba u angel U Trai u la jan pynjot ïa ka Jerusalem, U Trai u la kylla ka jingmut ban pynshitom ïa ki briew bad u ong ha u angel uba pynïap ïa ki, “Sangeh! Ka la biang katto!” U angel u la don hajan ka jaka shoh kew jong u Araunah, u nong Jebus.

1 SYIEM 11:9

Wat haba U Trai, U Blei ki Israel, u la paw ha u Solomon ar sien, bad u la hukum ïa u ban ym mane ïa ki blei nongwei, u Solomon um shym la kohnguh ïa U Trai, hynrei u la phai dien noh na U.

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

1 KHRONIKL 21:15

Nangta u phah ïa u angel ban pynjot thiaw ïa ka Jerusalem; hynrei u kylla ïa kaba u mut bad u ong ha u angel, “Keiñ noh! Katto ka la biang!” U angel u ïeng hajan ka jaka shoh kew jong u Araunah, u nong Jebus.

Ka Kitab U Job 34:27

namar ki la sangeh na kaba bud ïa u bad leh bymsalia ïa ki hukum jong u.

SALM 109:4

Ki pyrshah ïa nga, wat la nga ieit ïa ki bad ba nga la duwai na ka bynta jong ki.

SALM 110:4

U Trai u la pynlong ïa ka jingkular bakyntang bad un ym kylla pat na kata: “Men long u lyngdoh junom ha ka rukom long lyngdoh u Melkhisedek.”

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

SALM 125:5

Hynrei haba me pynshitom ïa ki bymman, to pynshitom ruh ïa kito kiba lyndet ïa ki lynti jong me. To long ka jingsuk ïa ki Israel!

SALM 36:3

Ka jingkren jong u ka long kaba thala bad kaba dap da ka jingshukor; um shym leh shuh ïa kaba dei bad kaba bha.

SALM 78:41

Man la ka por ki tynjuh ïa U Blei, bad ki la pynmong U Blei Uba Khuid jong ki Israel.

SALM 78:57

hynrei ki la ïeng ïaleh pyrshah bad kim kohnguh kum ki kpa tymmen jong ki, ki bym lah ban shaniah kum u khnam uba la kdor.

EKSODOS 32:11

Hynrei u Moses u la ïasaid bad U Trai U Blei jong u, bad u la ong, “Ko Trai, balei ba men bitar haduh katne ïa la ki jong ki briew, kiba me la pyllait na ka ri Ijipt da ka jingkhlaiñ bakhraw bad da ka bor?

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

JEREMAÏAH 11:10

Ki la leit phai pat sha ki pop jong ki kpa tymmen jong ki, kiba la kyntait ban leh ïa kaei kaba nga ong; ki la mane ïa kiwei pat ki blei. Baroh ar, ka Israel bad ka Judah ki la pynkheiñ ïa ka jutang kaba nga la pynlong bad ki kpa tymmen jong ki.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 34:16

Hynrei phi kylla pat ïa ka jingmut jong phi bad phi pynjahburom ïa nga. Baroh na phi, phi la shim pat ïa ki mraw ïa kiba phi la pyllaitluid kumba ki la kwah, bad phi la pynlong mraw jubor biang ïa ki.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:18

Ki briew ki la ong, “Ïathuh ïa ki ban pynkloi bad rwai ka jingrwai ïapbriew na ka bynta jong ngi, tad haduh ba ki khmat jong ngi kin dap da ki ummat, bad ba ki irmat jong ngi ki jhieh na kaba ïam.”

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

AMOS 7:3

U Trai u kylla noh la ka jingmut bad u ong, “Kaei kaba phi la ïohi kan ym jia.”

JONAH 3:10

U Blei u la ïohi ïa kaei kaba ki la leh; u la ïohi ba ki la iehnoh ïa ka jingleh bymman jong ki. Kumta u la kylla jingmut bad um shym la pynshitom ïa ki kumba u la ong ban leh.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

MATHAÏOS 24:13

Hynrei uno uno uba ïeng skhem haduh kaba kut un lait im.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

LOUKAS 6:12

Ha kata ka por, U Jisu u la leit kiew sha u kum ban duwai bad ban pynlut baroh shi miet hangta da kaba duwai ha U Blei.

HEBRU 10:38

La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

JOSHUA 22:16

bad ki kren na ka bynta u paidlang U Trai; ki ong ha ki, “Balei phi leh ïa kane kaei kaei kaba sniew pyrshah ïa U Blei ki Israel? Phi la leh pyrshah ïa U Trai da kaba tei ïa kane ka duwan na ka bynta ïa lade! Phim shym bud shuh ïa u!

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.

1 SAMUEL 15:10

U Trai u ong ha u Samuel,

1 SAMUEL 15:3

Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”

1 SAMUEL 15:35

Katba u Samuel u dang im, um shym ïohi shuh ïa u syiem; hynrei u khuslai sat na ka bynta jong u. U Trai u la sngewsih ba u la thung ïa u Saul kum u syiem ki Israel.

1 SAMUEL 15:9

Hynrei u Saul bad ki rangbah jong u ki pynsah im ïa u Agag, bad kim shym pynïap ïa ki langbrot bad ki masi kiba kynsai tam, ïa ki khun masi bad ki khunlangbrot kiba kynsai tam, bad ïa kano kano kaba kordor; ki la pynjot tang ïa kata ka bymlarkam ne bymdonkam ei ei shuh.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 8:6

U Samuel u sngewsih ïa ka jingkyrpad jong ki ban ïoh syiem; kumta u duwai ha U Trai,