1 SAMUEL 14:6 - Khasi CL Bible (BSI)

⁶ U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

KA BAIBL

⁶ Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Wat pynbna ïa ka ha Gath lane ha ki surok ka Ashkelon. Wat pynlong ïa ki kynthei Philistia ban kmen, wat ai ba ki khun kynthei jong ki bymngeit blei kin risa.

2 SAMUEL 16:12

Lehse U Trai un ïohi ïa ka jinglanot jong nga bad un ai ha nga katto katne ki jingkyrkhu ban shim bujli ïa ka jingtim jong u.”

2 SYIEM 19:4

U patsha ka Assyria u la phah ïa u rangbah synshar ba-halor tam ban ibeiñ ïa U Blei uba im. To ai ba U Trai U Blei jong phi un ïohsngew ïa kine ki jingibeiñ bad un pynshitom ïa kito kiba kren ha ki. Kumta duwai ha U Blei na ka bynta kito ki briew kiba lait im.”

2 KHRONIKL 14:10

U Asa u leit ban ïaleh ïa u, bad baroh arliang ki ïeng ha la ki jaka ha ka Them Sephathah hajan Mareshah.

2 KHRONIKL 14:11

U Asa u duwai ha U Trai U Blei jong u, “A Trai, me lah ban ïarap ïa ka kynhun shipai kaba tlot da kaba suk kum kaba khlaiñ. Ïarap ïa ngi mynta, Ko Trai U Blei jong ngi, namar ba ngi shaniah ha me, bad ha ka kyrteng jong me ngi la mih ban ïaleh pyrshah ïa kane ka kynhun shipai kaba bun. A Trai, me long U Blei jong ngi; ym don u ban kyrmen ban jop ïa me.”

SALM 135:6

U leh ïa kat kaba u mon ha bneng bad ha pyrthei, ha ki duriaw bad ha ki jingjylliew bashapoh.

JEREMAÏAH 9:23

U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

JEREMAÏAH 9:25

U Trai u ong, “Ka por ka wan haba ngan pynshitom ïa ki briew ka Ijipt, ka Judah, ka Edom, ka Ammon, ka Moab, bad ki briew ka ri shyiap, kiba la ot lyngkot ïa ki shñiuh jong ki. Kine ki briew baroh ki long kiba la otsher, hynrei ki bym shym la bat ïa ka jutang kaba ka thmu. Ym don mano mano na kine ki briew bad ym don mano mano na ki paid Israel kiba la bat ïa kane ka jutang jong nga.”

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

JINGKHEIÑ 10:32

Lada phi wan ryngkat bad ngi, ngin ïabynta lem bad phi ïa baroh ki jingkyrkhu ba U Trai u ai ha ngi.”

JINGKHEIÑ 31:4

Na kawei kawei ka jait Israel phah shihajar ngut ki rangbah sha ka thma.”

MATHAÏOS 19:26

U Jisu u la peit shlip sha ki bad u la jubab, “Kane ka long ka bym lah ha u briew, hynrei ha U Blei kiei kiei baroh ki long kaba lah.”

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

DEUTERONOMI 32:30

Balei ba shihajar kin shahjop tang ha uwei, bad shiphew hajar pat tang ha ki ar ngut? U Trai U Blei jong ki u la iehnoh ïa ki, bad U Blei badonbor jong ki u la kyntait noh ïa ki?

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

JOSHUA 14:12

Kumta mynta, ai ha nga ïa ka ri lum ba U Trai u la kular ïa nga ha kata ka sngi mynba ki briew jong nga lem bad nga, ngi la wanrah ïa kata ka khubor. Ngi la ïathuh ïa phi ha kato ka por ba ka jait ki ramhah kiba la khot ki Anakim ki la don hangta ha ki nongbah ba la ker sawdong da ki kut bakhraw. Lehse U Trai hi un don ryngkat bad nga, bad ngan beh krad ïa ki, kumba U Trai u la ong.”

NONGBISHAR 15:18

Nangta, u Samson u la sliang um palat, kumta u kyrpad ïa U Trai bad u ong, “Me la ai ha nga ïa kane ka jingjop kaba khraw; hato ngan shu ïap mynta na ka jingsliang um bad ban hap ha ki kti jong kine ki Philistia bymngeit?”

1 SAMUEL 14:5

Uwei u don ha ka phang bashatei jong ka khim, u da phai sha Mikhmash, bad uwei pat ha ka phang bashathie, u da phai sha Geba.

1 SAMUEL 14:7

U samla u jubab, “Ïa kano kano kaba phi kwah ban leh, nga don lem bad phi.”

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.

1 SAMUEL 17:46

Ha kane hi ka sngi U Trai un aiti ïa me hapoh ka bor jong nga; ngan pynkyllon ïa me bad ngan khrai ïa ka khlieh jong me. Bad ngan ai ïa ki metïap jong ki shipai Philistia ha ki sim bad ha ki mrad ba kin bam.

1 SAMUEL 17:47

Te ka pyrthei baroh kawei kan tip ba ki Israel ki don U Blei, bad ba uwei pa uwei hangne un ïohi ba U Trai um donkam ïa ki waitlam ne ki sum ban pyllait im ïa la ki briew. U long u nongjop ha ka thma, naba ka thma ka long ka jong U Trai, bad un buh ïa phi baroh hapoh ka bor jong ngi.”

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.