1 SAMUEL 14:45 - Khasi CL Bible (BSI)

⁴⁵ Hynrei ki paidbah ki ong ha u Saul, “Hato u Jonathan, uba la jop ka jingjop kaba khraw na ka bynta ki Israel, un shah pynïap? Em! Ngi kular ha U Trai uba im ba uwei u shñiuh na ka khlieh jong u ruh un ym hap ha khyndew. Kaei kaba u la leh ha kane ka sngi la leh da ka jingïarap jong U Blei.” Kumta ki paidbah ki la pyllait im ïa u Jonathan na kaba shah pynïap.

KA BAIBL

⁴⁵ Te kita ki briew ki la ong ha u Saul, “Hato un ïap u Jonathan, uba la pynlong ka jingpynim kaba khraw kat kane ha Israel? Kan ym long kumta, em: katba im U Trai, in ym hap iwei na ki 'ñiuh khlieh jong u ha ka khyndew; namar u la trei ryngkat bad U Blei ha kane ka sngi.” Kumta, kita ki briew ki la pynim ïa u Jonathan, ba um shym ïap.

1 SAMUEL 14:45 ပူးပေါင်းရင်းမြစ်များ

2 SAMUEL 14:11

Ka ong, “Ko Syiem Kynrad, sngewbha duwai ha U Trai U Blei jong phi, khnang ba u ba-ha-ïing jong nga uba kitkhlieh ban wad kput na ka bynta ka jingïap jong u khun jong nga un ym leh ïa ka kam sniew kaba kham khraw da kaba pynïap ïa uwei pat u khun jong nga.” “Nga kular ha U Trai uba im,” u Dabid u jubab, “ba ïa u khun jong pha yn ym pynmynsaw da lei lei ruh.”

1 SYIEM 1:52

U Solomon u jubab, “Lada u ai jingkyrshan, yn ym ktah wat ïa uwei na ki shñiuh ha ka khlieh jong u; hynrei lada um long kumta, un ïap.”

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

NEHEMAÏAH 9:27

kiba ong ïa ki ba ki dei ban phai pat sha me. Ki la ñiewbeiñ ïa me na ka por sha ka por, ba kumta me shah ïa ki nongshun jong ki ban jop bad synshar ïa ki. Ha ka jingeh jong ki, ki khot ïa me na ka bynta ka jingïarap, bad me jubab ïa ki na bneng. Ha ka jingisynei bakhraw me phah ki nongïalam ïa ki kiba pyllait ïa ki na ki nongshun jong ki.

ISAÏAH 13:3

U Trai u la khot ïa ki shipai jong u kiba sarong bad kiba sngewskhem ban ïaleh ïa ka thma bakhuid bad ban pynshitom ïa kito kiba u bitar.

MATHAÏOS 10:30

Kumta ruh ïa phi, wat ïa ki shñiuh ha ka khlieh jong phi la lah ñiew.

LOUKAS 21:18

Hynrei wat iwei ruh i shñiuh na ki khlieh jong phi in ym jah noh.

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

KI KAM 15:12

Ka kynhun baroh kawei ka la sngap jar katba ki dang sngap ïa ka jingïathuh jong u Barnabas bad u Paul ïa ki kambah bad ki kamphylla baroh kiba U Blei u la leh lyngba jong ki hapdeng ki Jentil.

KI KAM 21:19

U Paul u la khublei ïa ki bad u la ai ka jingïathuh ba-pura ïa kaei kaei baroh kaba U Blei u la leh hapdeng ki Jentil lyngba ka jingtrei jong u.

KI KAM 27:34

Nga kyrpad ïa phi, te, to bam khyndiat ka jingbam; phi donkam ïa ka khnang ban im. Wat iwei i shñiuh na ka khlieh jong phi in ym hap noh.”

Ka Shithi U Paul Sha Ki Nong Rom 15:18

Ngan long shlur bad ngan kren tang shaphang kaei kaba U Khrist u la leh lyngba jong nga, ban ïalam ïa ki Jentil ban kohnguh ïa U Blei. U la leh ïa kane da ki ktien bad ki kam,

1 KORINTH 3:9

Naba ngi long ki nongïatrei lem bad U Blei, bad phi long ka lyngkha jong U Blei. Phi long ruh ka jingtei jong U Blei.

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:14

Ki kynhun shipai ka bneng ki la bud ïa u, ki da shong halor ki kulai balieh bad ki la riam da ki jaiñ linen balieh bad bakhuid.

1 SAMUEL 11:13

Hynrei u Saul u ong, “Ym dei ban pynïap ïano ïano ha kane ka sngi, naba kane ka dei ka sngi ba U Trai u la pyllait im ïa ki Israel.”

1 SAMUEL 14:23

ki da ïaleh shi lynter lynti shaduh palat ka Bethaben. U Trai u la pyllait im ïa ki Israel ha kata ka sngi.

1 SAMUEL 14:46

Hadien kata, u Saul u la sangeh na kaba beh kthong ïa ki Philistia, bad ki la leit phai noh sha la ka ri.

1 SAMUEL 19:5

U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”