1 SAMUEL 14:33 - Khasi CL Bible (BSI)

³³ La ïathuh ha u Saul, “Khmih, ki briew ki la leh pop pyrshah ïa U Trai da kaba bam ïa ka doh kaba dang don snam hapoh jong ka.” “Phi dei ki nongshetkylla!” u Saul u kyang. “Pyntyllun uwei u maw heh shane sha nga.”

KA BAIBL

³³ Ynda kumta, ki la ïathuh ha u Saul, ki ïa-ong, “Ha khmih, kine ki briew ki leh pop ïa U Trai, ha kaba ki bam lem bad ka snam.” Te u la ong, “Phi la leh bymman: pyntyllun sha nga ïa u maw baheh ha kane ka sngi.”

1 SAMUEL 14:33 ပူးပေါင်းရင်းမြစ်များ

JENESIS 9:4

Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam.

LEBITIKOS 17:10

Lada uno uno u Israel, lane uno uno u nongwei uba wan shong hapdeng jong ki, u bam ïa ka doh kaba dang don snam ha ka, U Trai un phai pyrshah ïa u bad yn ym ñiew shuh ïa u kum uwei na ki briew jong U Blei.

LEBITIKOS 19:26

“Wat bam ïa kano kano ka doh ba dang don snam ha ka. Wat leh ïa kano kano ka kam byrtong.

LEBITIKOS 7:26

Kam pher la hangno hangno ki Israel ki shong ki sah, kim dei da lei lei ban pyndonkam ïa ka snam jong ki sim ne ki mrad kum ka jingbam.

LEBITIKOS 7:27

Uta uba pynkheiñ ïa kane ka aiñ yn ym ñiew shuh kum uwei na ki briew U Blei.

MATHAÏOS 7:5

Phi u riewarsap! Nyngkong eh weng noh ïa ka lyngkhot dieng na la ka khmat jong phi hi, bad nangta phin lah ban ïohi shai kdar ban khlaw ïa u thiat na ka khmat u para jong phi.

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

Ka Shithi U Paul Sha Ki Nong Rom 2:1

Hato, ko paralok jong nga, phi bishar ïa kiwei pat? Phim lah lait satia, lada phi long uei uei ruh. Namar haba phi bishar ïa kiwei bad nangta phi leh ïa kijuh kiei kiei kiba ki leh, phi pynrem ïa lade.

DEUTERONOMI 12:16

Hynrei phim bit ban bam ïa ka snam jong ki; phi dei ban theh ïa ka ha ka khyndew kumba theh ïa ka um.

DEUTERONOMI 12:23

Tangba wat bam ïa ka doh kaba dang don snam hapoh jong ka, namar ka jingim ka don ha ka snam, bad phim dei ban bam ïa kata ka jingim lem bad ka doh.

DEUTERONOMI 15:23

Hynrei wat pyndonkam ïa ka snam jong ki kum ka jingbam; pynban, theh noh ïa ka ha khyndew kumba theh um.

1 SAMUEL 14:34

Nangta u ai sa kawei ka hukum: “Khie leit sha ki briew bad ong ïa ki ban wallam ïa la ki jingri bad ki langbrot hangne. Ki dei ban pynïap ïa ki bad bam ïa ki hangne; kim dei ban leh pop pyrshah ïa U Trai da kaba bam ïa ka doh kaba dang don snam hapoh jong ka.” Kumta ha kata ka miet baroh ki wallam ïa la ki jingri bad ki pynïap ïa ki hangta.