1 SAMUEL 14:32 - Khasi CL Bible (BSI)

³² Ha kane ka por ki Israel ki la tlot palat na ka jingthngan, bad kumta ki la kynrup ïa kata kaba ki la ïohknieh na ki nongshun, ki la shim ïa ki langbrot bad ki jingri, ki la pynïap ïa ki hangta, bad ki la bam ïa ka doh kaba dang don snam hapoh jong ka.

KA BAIBL

³² Bad kita ki briew ki la kynrup ïa ka jinglute, bad ki la shim ïa ki langbrot, bad ïa ki masi, bad ïa ki khun masi, bad ki la shohdoh ïa ki halor ka khyndew: bad kita ki briew ki la bam ïa ki lem bad ka snam.

1 SAMUEL 14:32 ပူးပေါင်းရင်းမြစ်များ

JENESIS 9:4

Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam.

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

LEBITIKOS 19:26

“Wat bam ïa kano kano ka doh ba dang don snam ha ka. Wat leh ïa kano kano ka kam byrtong.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

DEUTERONOMI 12:16

Hynrei phim bit ban bam ïa ka snam jong ki; phi dei ban theh ïa ka ha ka khyndew kumba theh ïa ka um.

1 SAMUEL 15:19

Balei te, ba phim shym kohnguh ïa u? Balei phi pynstet ban kynrup ïa ki jinglute, bad leh kumta ïa kaei kaba pynsngewsih ïa U Trai?”