1 SAMUEL 14:23 - Khasi CL Bible (BSI)

²³ ki da ïaleh shi lynter lynti shaduh palat ka Bethaben. U Trai u la pyllait im ïa ki Israel ha kata ka sngi.

KA BAIBL

²³ Kumta U Trai u la pynim ïa ki Israel ha kata ka sngi: bad kata ka jingïaleh thma ka la ïaid sha shiliang haduh Beth-aben.

1 SAMUEL 14:23 ပူးပေါင်းရင်းမြစ်များ

2 SYIEM 14:27

Hynrei kam dei ka jingthmu U Trai ban pynjot thiaw shi junom ïa ki Israel, kumta u pyllait im ïa ki lyngba u syiem Jeroboam uba ar.

1 KHRONIKL 11:14

kumta ma u bad ki rangbah jong u ki ïeng hapdeng jong ka lyngkha bad ki la ïaleh ïa ki Philistia. U Trai u la ai jingjop ïa u.

2 KHRONIKL 32:22

Ha kane ka rukom U Trai u la pyllait im ïa u syiem Hesekaïah bad ki briew ka Jerusalem na ka bor u Sennakherib, u patsha ka Assyria, bad ruh na kiwei ki nongshun jong ki. U ai ba ki briew kin im ha ka jingsuk bad baroh ki ri kiba marjan.

EKSODOS 14:30

Ha kata ka sngi U Trai u pyllait im ïa ki Israel na ki Ijipt, bad ki Israel ki ïohi ïa ki ba ki thiah ïap harud duriaw.

HOSIA 1:7

Hynrei ngan pyn-i jingieit ïa ki briew ka Judah. Ma nga U Trai U Blei jong ki ngan pyllait im ïa ki; hynrei ngan ym leh ïa kata da ka thma — da ki waitlam lane ki ryntieh, bad ki khnam lane ki kulai bad ki shipai shong kulai.”

DEUTERONOMI 20:4

U Trai U Blei jong phi un leit ryngkat bad phi bad un ai ha phi ïa ka jingjop.’

JOSHUA 7:2

U Joshua u phah katto katne ngut ki rangbah na Jerikho sha Ai, ka nongbah sha ka phang mihngi na Bethel, hajan ka Bethaben, lem bad ki hukum ïa ki bad swar ïa ka jaka. Haba ki la dep leh kumta,

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.

1 SAMUEL 10:19

Nga long U Blei jong phi, uta uba pyllait ïa phi na ki jingjynjar bad ki jingshitom jong phi baroh hynrei mynta phi la kyntait ïa nga bad phi la pan na nga ban ai ïa phi da u syiem. Namar kata, ïalumlang ïa lade ha khmat U Trai, shi jait shi jait, bad shi kur shi kur.’ ”

1 SAMUEL 13:5

Ki Philistia ki ïalumlang ban ïaleh ïa ki Israel; ki don laiphew hajar tylli ki kali thma, hynriew hajar ngut ki shipai shong kulai, bad ki shipai kiba bun kat u shyiap harud duriaw. Ki leit sha Mikhmash, kaba sha mihngi na Bethaben bad ki sher dara hangta.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”