1 SAMUEL 13:4 - Khasi CL Bible (BSI)

⁴ La ïathuh ha baroh ki Israel ba u Saul u la pynïap ïa u rangbah ai hukum jong ki Philistia bad ba ki Philistia ki la isih ïa ki. Kumta ki paidbah ki jubab ïa ka jingkhot ban ïasoh bad u Saul ha Gilgal.

KA BAIBL

⁴ Bad ki Israel baroh ki la ïohsngew ïa kaba ong ba u Saul u la pom ïa ka karod ki Philistia, bad ba ki Philistia ki la isih ïa ki Israel. Te ki paidbah ki la ïalum lang ban leit bud ïa u Saul sha Gilgal.

1 SAMUEL 13:4 ပူးပေါင်းရင်းမြစ်များ

JENESIS 34:30

Nangta u Jakob u ong ha u Simeon bad ha u Lebi, “Phi la pynjynjar ïa nga; ki Kanaan bad ki Peris, bad kat kiba don ha kane ka ri, mynta kin sa shun ïa nga. Ngam dei uba bun paid; lada ki ïa-tylli lang kawei pyrshah ïa nga, bad ki ïaleh ïa nga, ma nga bad ka ïing jong nga baroh ngin sa shah pynjot.”

JENESIS 46:34

phin jubab ba phi dei ki nongri jingri baroh shi jingim kumba long ki kpa tymmen jong phi. Kumta keiñ un shah ïa phi ban shong ha Goshen; namar ki nong Ijipt kim kwah kano kano ka jingïadei bad ki nongap langbrot.”

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

EKSODOS 5:21

Ki la ong ha u Moses bad u Aaron, “U Trai u la ïohi ïa kaei kaba phi la leh, bad un pynshitom ïa phi namar ba phi pynlong ïa u Pharaoh bad ïa ki rangbah pynïaidkam jong u ban isih ïa ngi. Phi la ai daw ïa ki ban pynïap ïa ngi.”

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.

JOSHUA 5:9

U Trai u ong ha u Joshua, “Ha kane ka sngi nga la weng noh na phi ïa ka jingjahburom ka jinglongmraw ha Ijipt.” Namar kata la khot kyrteng ïa ka jaka, ka Gilgal, ka kyrteng kaba ka dang don.

1 SAMUEL 10:8

Men nang leit sha khmat jong nga sha Gilgal; ha kaba ngan ïashem bad me ban kñia ïa ki jingainguh thang bad ki jingainguh ïasyllok. Ap hangta hynñiew sngi haduh ba ngan da wan bad ïathuh ha me kaei ba men leh.”

1 SAMUEL 27:12

Hynrei u Akhish u shaniah ïa u Dabid, u da ong ha lade, “U la long uba la isih haduh katta katta da ki briew jong u hi ki Israel ba kumta un hap long u shakri ïa nga baroh shi rta.”