1 SAMUEL 13:2 - Khasi CL Bible (BSI)

² u jied lai hajar ngut ki rangbah; u bat ar hajar ngut na ki bad u ha Mikhmash bad ha ka ri lum jong ka Bethel bad u phah shihajar ngut bad u Jonathan u khun jong u sha Gibeah, ha ka thain Benjamin. Ïa kiba sah pat u phah noh sha la ïing.

KA BAIBL

² u Saul u la jied ha u, lai hajar ngut na ki Israel: ar hajar ki la don bad u Saul ha Mikhmash bad ha u lum Bethel, bad shi hajar bad u Jonathan ha Gibeah u Benjamin: te kita kiwei na u paidbah u la phah uwei uwei sha la ka jong ka jong ka ïingjaiñ.

1 SAMUEL 13:2 ပူးပေါင်းရင်းမြစ်များ

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

2 SAMUEL 21:6

Kumta aiti ha ngi hynñiew ngut na ki khun ki ksiew shynrang jong u, bad ngin phasi ïa ki ha khmat U Trai ha Gibeah, ka shnong trai jong u Saul, u syiem ba la jied da U Trai.” “Ngan aiti ïa ki,” u syiem u ong.

NEHEMAÏAH 11:31

Ki briew jong ka jait Benjamin ki shong ki sah ha Geba, Mikhmash, Ai, Bethel bad ki nongrit ba-marjan,

JOSHUA 18:28

ka Sela, ka Haeleph, ka Jebus (lane ka Jerusalem), ka Gibeah, bad ka Kiriath Jearim: khatsaw tylli ki nongbah, lem bad ki nongrit sawdong jong ki. Kane ka long ka ri kaba ki longïing na ka jait Benjamin ki la ïohpdiang kum ka jingïohkynti jong ki.

JOSHUA 22:6

U Joshua u la phah ïa ki sha ïing ryngkat bad ki jingkyrkhu jong u, bad kine ki ktien: “Phi leit phai pat sha ïing kiba la riewspah bha, lem bad shibun ki jingri, ka rupa, ka ksiar, ka rnong, ka nar, bad shibun ki jaiñphong. Ïasam bynta lem bad la ki para jait ïa kaei kaba phi la shim na ki nongshun jong phi.” Nangta, ki leit phai noh sha ïing. U Moses u la ai jaka ha ka phang mihngi jong ka Jordan ha kaba shiteng na ka jait Manasseh, hynrei ïa kawei pat kaba shiteng, u Joshua u la ai ka jaka ha ka phang sepngi jong ka Jordan, lem bad kiwei pat ki jait.

NONGBISHAR 19:12

Hynrei u kynrad jong u, u ong, “Ngin ym leit sah ha ka nongbah ha kaba ki briew kim dei ki Israel. Ngin ïaid shaphrang ban ïaleit sahmiet ha Gibeah lane Ramah.”

1 SAMUEL 10:26

U Saul ruh u leit phai sha la ïing ha Gibeah. Katto katne ki rangbah kiba khlaiñ ryngkat bad ki nongïapom kiba U Blei u la ktah ïa ki dohnud jong ki, ki la leit lang bad u.

1 SAMUEL 10:5

Nangta men leit kiew sha u Lum jong U Blei ha Gibeah, ha kaba don ka jaka sher dara jong ki Philistia. Ha ka jaka rung shapoh shnong, men ïakynduh ïa ka kynhun ki nongïathuhlypa kiba dang wan hiar na ka duwan kaba ha uta u lum, ki da tem da put ïa ki duitara, ki ksing, ki sharati, bad ki kanjari. Kin sa ïashad bad ïarisa.

1 SAMUEL 13:1

Haba u Saul u la synshar ar snem ha Israel,

1 SAMUEL 13:11

hynrei u Samuel u ong, “Phi la leh aïu kumne?” U Saul u jubab, “Ki briew ki la iehnoh ïa nga, bad phim pat shym wan poi haba phi la ong ba phin wan; nalor kata, ki Philistia ki la ïalumlang ha Mikhmash,

1 SAMUEL 13:15

U Samuel u mihnoh na Gilgal bad u leit la ka lynti. Kiba sah na ki briew ki la bud ïa u Saul katba u dang leit ban ïasoh bad la ki shipai. Ki leit na Gilgal sha Gibeah ha ka thain Benjamin. U Saul u leit peit ïa la ka kynhun shipai, kiba don kumba hynriewspah ngut.

1 SAMUEL 13:16

U Saul, u Jonathan u khun jong u, bad ki rangbah jong ki, ki sher dara ha Geba ha ka thain Benjamin; ka jaka sher dara ki Philistia ka dei ha Mikhmash.

1 SAMUEL 13:23

Ki Philistia ki la phah kawei ka kynhun shipai ban ïada ïa ka khim Mikhmash.

1 SAMUEL 13:5

Ki Philistia ki ïalumlang ban ïaleh ïa ki Israel; ki don laiphew hajar tylli ki kali thma, hynriew hajar ngut ki shipai shong kulai, bad ki shipai kiba bun kat u shyiap harud duriaw. Ki leit sha Mikhmash, kaba sha mihngi na Bethaben bad ki sher dara hangta.

1 SAMUEL 14:31

Ha kata ka sngi, ki Israel ki jop ïa ki Philistia, ki da ïaleh shi lynter lynti naduh Mikhmash haduh Aijalon.

1 SAMUEL 14:5

Uwei u don ha ka phang bashatei jong ka khim, u da phai sha Mikhmash, bad uwei pat ha ka phang bashathie, u da phai sha Geba.

1 SAMUEL 14:52

Katba u dang im, u Saul u hap ban ïaleh tyngeh pyrshah ïa ki Philistia. Kumta, man ka por ba u lap ïa u briew uba khlaiñ lane uba shlur, u ju pynrung ïa u ha ka kynhun ïapom jong u.

1 SAMUEL 15:34

Nangta u Samuel u leit sha Ramah, bad u syiem Saul u leit sha la ïing ha Gibeah.

1 SAMUEL 24:3

U wan poi ha ka krem hajan ki katto katne ki jaka set blang kiba harud lynti, bad u rung shapoh ban leit shabar. Ka jia ryngkhat ba ka dei kajuh ka krem ha kaba u Dabid bad ki rangbah jong u ki rieh kham shapoh jong kata ka krem.

1 SAMUEL 26:2

U Saul u leit mar mar ryngkat bad lai hajar ngut ki shipai kiba kynsai tam ha Israel sha ka ri khlaw Siph ban wad ïa u Dabid,

1 SAMUEL 8:11

“Uta u syiem u ban synshar ïa phi un leh kumne,” u Samuel u pynshai. “Un pynlong shipai ïa ki khun shynrang jong phi; don na ki, ki ban trei ha ki kali ïapom jong u, don ki ban long ki shipai shong kulai, bad don ruh ki ban mareh na khmat ki kali ïapom jong u.