1 SAMUEL 13:14 - Khasi CL Bible (BSI)

¹⁴ Hynrei mynta ka jingsynshar jong phi kan ym bteng. Namar ba phim shym kohnguh ïa u, U Trai un wad ïa u briew uba u kwah bad un thung ïa u ban long nongsynshar ïa ki briew jong u.”

KA BAIBL

¹⁴ Hynrei, mynta, ka jinglong syiem jong me kan ym neh: U Trai u la wad ha u ïa u briew uba katba kum ka dohnud jong U hi, bad U Trai u la thung ïa uta ban long u nongïalam halor ki briew jong U, namar ma me mem shym la sumar ïa kata kaba U Trai u la hukum ïa me.”

1 SAMUEL 13:14 ပူးပေါင်းရင်းမြစ်များ

2 SAMUEL 5:2

Ha ka por ba la leit, wat haba u Saul u dang long u syiem jong ngi, phi la ïalam ïa ki rangbah Israel ha ka thma bad U Trai u la kular ïa phi ba phin ïalam ïa ki briew jong u bad ban long u nongsynshar jong ki.”

2 SAMUEL 6:21

U Dabid u jubab, “Nga la shad ban pyndonburom ïa U Trai, uba la jied ïa nga ha ka jaka u kpa jong pha bad ka longïing jong u, ban pynlong ïa nga u nongïalam jong ki briew jong u ki Israel. Bad ngan ïai shad ban pyndonburom ïa U Trai,

2 SYIEM 20:5

ban leit phai pat sha u Hesekaïah, u nongsynshar jong ki briew U Trai, bad ban ong ha u, “Nga, U Trai U Blei jong u Dabid u kpa tymmen jong me, nga la ïohsngew ïa ka jingduwai jong me bad nga la ïohi ïa ki ummat jong me. Ngan pynkhiah ïa me, bad hadien lai sngi men leit sha ka Templ.

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

SALM 78:70

U la jied ïa u Dabid, u shakri jong u; u la shim ïa u na ki jaka pynbamphlang,

PROBERB 27:24

namar ka spah kam neh junom. Ym don wat ki hima ruh ki ban neh junom.

ISAÏAH 39:5

U Isaïah nangta u la ïathuh ha u syiem, “U Trai Badonbor Baroh u ong ba ka por kan poi ba baroh kaba ha ka ïingsyiem jong me, baroh kaba ki kpa tymmen jong me ki la lum haduh kane ka sngi, yn sa kit noh sha Babilonia. Yn ym don shuh ka ban sah.

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

KI KAM 7:46

U la ïoh ïa ka jingsngewbha jong U Blei, bad u la kyrpad ïa U Blei ban shah ïa u ban pynkhreh ka ïing na ka bynta U Blei jong u Jakob.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

1 SAMUEL 15:26

“Ngan ym leit phai bad phi,” u Samuel u jubab. “Phi la kyntait ïa ka hukum U Trai, bad u la kyntait ïa phi kum u syiem ki Israel.”

1 SAMUEL 15:28

U Samuel u ong ha u, “U Trai u la kad ïa ka hima Israel na me ha kane ka sngi, bad u la ai ïa ka ha uta u briew uba kham bha ban ïa me.

1 SAMUEL 16:1

U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 16:12

Kumta u Jesse u phah khot ïa u. U long uba bhabriew, u samla bakoit bakhiah bad ki khmat kiba phyrnai. U Trai u ong ha u Samuel, “Dei une — pynsleh ïa u!”

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 24:20

Mynta nga da sngewthikna ba phin sa long u syiem ki Israel bad ba ka hima Israel kan ïaineh ha ka jingsynshar jong phi.

1 SAMUEL 25:30

Bad haba U Trai u la pyndep ïa kiei kiei kiba bha baroh kiba u la kular ïa phi bad ba u la pynlong ïa phi u syiem ki Israel,

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”