1 SAMUEL 12:3 - Khasi CL Bible (BSI)

³ Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

KA BAIBL

³ Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Nga la kohnguh ïa ka aiñ jong U Trai; Ngam shym la phai noh na U Blei jong nga.

NEHEMAÏAH 5:11

Map noh ïa ki ram kiba ki shah ïa phi — ka pisa, u kew, ka waiñ lane ka umphniang Olib. Pynphai noh shisyndon sha ki ïa ki pynthor, ki bri sohwaiñ, ki khlaw Olib bad ki ïing!”

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

EKSODOS 20:17

“Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

EKSODOS 23:8

Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

LEBITIKOS 6:4

Haba u briew u leh pop ha kano kano na kine, u dei ban siew pat ïa kata baroh kaba u la ïoh da ki lad bymdei. Ha kata ka sngi ba la lap ba u la leh pop, u dei ban pynphai pura sha u trai, lem bad arphew bynta na ka shispah.

JINGKHEIÑ 16:15

U Moses u la bitar lep, bad u ong ha U Trai, “Wat pdiang ïa kano kano ka jingainguh ba kine ki briew ki wallam. Ngam shym la leh bymdei ïa uwei ruh na ki; ngam shym la shim ruh wat tang kawei na ki kada jong ki.”

MATHAÏOS 22:21

“Ki jong u Patsha,” ki la jubab. Kumta U Jisu u la ong ha ki, “Kumta, te, to siew sha u Patsha ïa kaei kaba dei ka jong u Patsha, bad siew sha U Blei ïa kaei kaba dei ka jong U Blei.”

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

KI KAM 20:33

Ngam shym la kwah ïa ka rupa lane ka ksiar lane ka jaiñphong jongno jongno.

2 KORINTH 12:14

Kane mynta ka long ka sien kaba lai ba nga la khreh ban wan jngoh ïa phi — bad ngan ym pynlong kino kino ki jingdawa na phi. Dei ïa phi ba nga kwah, ym ïa ka pisa jong phi. La kumno kumno, ki khun kim da dei ban pynbiang na ka bynta la ki kmie ki kpa, hynrei ki kmie ki kpa keiñ ki dei ban pynbiang na ka bynta la ki khun.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

1 THESSALONI 2:10

Phi long ki sakhi jong ngi, bad kumta U Blei ruh, ba ka jingleh jong ngi ïa phi kiba ngeit ka long kaba sngur, kaba dei bad kaba khlem jingbakla.

1 THESSALONI 2:5

Phi tip bha ba ngim shym la wan ha phi da ki jingkren jali ja-um, lymne ba ngi la pyndonkam ïa ki kyntien ban da 'rap-jot ïa ka jinglalot — U Blei u long u sakhi ïa ngi!

1 PETROS 5:2

Nga kyntu ïa phi ban long ki nongsharai ïa ka kynhun ïa kaba U Blei u la ai ha phi bad ban sumar ïa ka da ka mon sngewbha, kumba U Blei u kwah ïa phi, bad ym da kaba shu pynbor. Trei ïa la ka kam, ym tang na ka bynta ka bainong, hynrei na ka jingthrang ban shakri.

1 SAMUEL 10:1

Nangta u Samuel u shim shi klong ka umphniang Olib bad u theh ïa ka ha ka khlieh u Saul, u doh ïa u, bad u ong, “U Trai u la pynsleh ïa me kum u nongsynshar ki briew jong u, ki Israel. Men synshar ïa ki briew jong u bad men ïada ïa ki na ki nongshun jong ki. Bad kane kan long ka jingpynshisha ïa me ba U Trai u la pynsleh ïa me ban long u nongsynshar ïa ki briew jong u:

1 SAMUEL 12:4

Ki paidbah ki la jubab, “Em, phim shym la shukor ïa ngi, lane banbeiñ ïa ngi, lane shim ei ei nano nano.”

1 SAMUEL 12:5

U Samuel u ong ha ki, “U Trai bad u Syiem uba u la jied ki long ki sakhi mynta ka sngi ba phi la shem ba nga long uba lui lui.” “Ho-oid, U Trai u long u sakhi jong ngi,” ki jubab.

1 SAMUEL 2:35

Ngan jied ïa u lyngdoh u ban kohnguh ïa nga bad leh ïa kata baroh kaba nga kwah ïa u. Ngan ai ha u ki khun ki ksiew ki ban ïai shakri ha khmat u syiem uba la jied jong nga.

1 SAMUEL 24:11

Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

1 SAMUEL 24:6

bad u ong ha la ki rangbah, “To U Trai un bat ïa nga na kaba pynmynsaw ïa u kynrad jong nga, ïa uba U Trai u la jied kum u syiem! Ngam dei ban pynmynsaw ïa u, naba u dei u syiem ba la jied da U Trai!”

1 SAMUEL 24:7

Kumta u Dabid u pynkohnguh ïa la ki rangbah ba kim dei ban ktah kti ïa u Saul. U Saul u ïeng joit, u mihnoh na ka krem, bad u leit noh.

1 SAMUEL 26:11

Da lei lei U Trai un ym shah ïa nga ban pynmynsaw ïa uta uba U Trai u la pynlong syiem! To ngin ïashim ïa une u sum bad une u khiew um jong u, bad ïa ngin ïaleit noh.”

1 SAMUEL 26:9

Hynrei u Dabid u ong, “Phim dei ban pynmynsaw ïa u. U Trai un pynshitom shisha ïa uta uba pynmynsaw ïa u syiem ba la jied jong u.