1 SAMUEL 12:23 - Khasi CL Bible (BSI)

²³ Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.

KA BAIBL

²³ Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.

1 SAMUEL 12:23 ပူးပေါင်းရင်းမြစ်များ

1 SYIEM 8:36

To map ïa ka pop jong u syiem bad jong ki paid Israel. Hikai ïa ki ban leh ïa kaba dei. Nangta, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti jong ki junom.

2 KHRONIKL 6:27

A Trai, to shahshkor ïa ki na bneng, bad map ïa ka pop jong ki shakri jong me, ki briew jong ka Israel, bad to hikai ïa ki ban leh ïa kaba dei. Te, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti junom.

SALM 122:6

To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

SALM 34:11

Ale, ko ki paralok samla jong nga, to shahshkor ïa nga, bad ngan hikai ïa phi ban pyndonburom ïa U Trai.

SALM 34:12

Hato phi kwah ban lehkmen ha ka jingim? Hato phi kwah ban im slem bad im suk?

EKSODOS 32:30

Ha ka sngi kaba bud u Moses u ong ha ki paidbah, “Phi la leh ïa ka pop kaba shyrkhei eh. Mynta ngan leit kiew biang sha U Trai; lehse nga lah ban pynïoh ïa ka jingmap ïa ka pop jong phi.”

PROBERB 4:11

Nga la hikai ha phi ïa ka jingstad bad ka rukom im kaba dei.

EKLESIASTIS 12:10

U Stad saiñpyrkhat u la pyrshang ban shem ïa ki kyntien pyntngen, hynrei ki ktien kiba u thoh ki long kiba lah ban shaniah.

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 27:18

Lada ki dei da shisha ki nongïathuhlypa bad lada ki don ïa ka khubor jong nga, shah ïa ki ban kylli ïa nga, U Trai Badonbor Baroh, ban ym shah ïa ki jingkynshew kiba don ha ka Templ bad ha ka ïingsyiem ban shah rah sha Babilonia.

JEREMAÏAH 42:4

Nga la jubab, “To kata. Ngan duwai ha U Trai U Blei jong phi, kumba phi la kyrpad, bad kaei kaei kaba u ong, ngan sa ïathuh ïa phi. Ngan ym buhrieh ei ei na phi.”

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

KI KAM 12:5

Kumta la buh ïa u Petros ha ka phatok, hynrei ki briew jong ka balang ki la duwai jur ha U Blei na ka bynta jong u.

KI KAM 20:20

Phi ïatip ba ngam shym la buhrieh ïa kano kano ka ban long ka jingïarap ïa phi haba nga ïalap bad hikai ha ki paidbah bad ha ki ïing jong phi.

Ka Shithi U Paul Sha Ki Nong Rom 1:9

U Blei u long u sakhi jong nga ba kaei kaba nga ong ka long kaba shisha — U Blei ïa uba nga shakri da ka dohnud jong nga baroh da kaba ïalap ïa ka Khubor Babha shaphang U Khun jong u. U Blei u tip ba nga kynmaw ïa phi man ba nga duwai.

1 KORINTH 9:16

Ngam don hok ban kob tang namar ba nga ïalap ïa ka Gospel. La katta ruh, nga don hapoh ki hukum ban leh kumta. Bad katno kan long kaba shyrkhei ïa nga lada ngam shym la ïalap ïa ka gospel!

KOLOSSAI 1:28

Kumta ngi ïalap ïa U Khrist ha uwei pa uwei. Da ka jingstad baroh katba lah ngi maham bad hikai ïa ki khnang ban pynïeng ïa uwei pa uwei ha khmat U Blei kum u briew uba la san pura ha U Khrist.

KOLOSSAI 1:9

Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

1 THESSALONI 3:10

Mynsngi bad mynmiet ngi kyrpad ïa u da ka dohnud jong ngi baroh ban shah ïa ngi ban ïohi ïa phi markhmat bad ban pyndap ïa kaei kaba donkam ha ka jingngeit jong phi.

2 TIMOTHI 1:3

Nga ainguh ïa U Blei, ïa uba nga shakri da ka jingïatiplem bakhuid, kumba ki kpa tymmen jong nga ki la leh. Nga ainguh ïa u haba nga kynmaw ïa me borabor ha ki jingduwai jong nga mynmiet bad mynsngi.

1 SAMUEL 12:19

bad ki ong ha u Samuel, “A kynrad, to duwai ha U Trai U Blei jong phi na ka bynta jong ngi, ba ngin ym ïap. Mynta ngi sngewthuh ba nalor ki pop jong ngi baroh, ngi la leh pop da kaba pan ban ïoh syiem.”

1 SAMUEL 8:6

U Samuel u sngewsih ïa ka jingkyrpad jong ki ban ïoh syiem; kumta u duwai ha U Trai,