1 SAMUEL 12:2 - Khasi CL Bible (BSI)

² bad mynta une u syiem un ïalam ïa phi. Nga te nga la tymmen bad phuh 'ñiuhlieh, hynrei ki khun shynrang jong nga ki don bad phi. Nga la long u nongïalam jong phi naduh ba nga dang samla haduh mynta.

KA BAIBL

² Te mynta, ha khmih, u syiem u ïaid ha khmat jong phi: nga te nga la tymmen bad nga la phuh 'ñiuhlieh; bad ha khmih, ki khun jong nga ki don bad phi: bad nga la ïaid ha khmat jong phi naduh ba nga dang samla haduh kane ka sngi.

1 SAMUEL 12:2 ပူးပေါင်းရင်းမြစ်များ

SALM 71:18

Mynta ba nga la tymmen ruh bad ba u shñiuh jong nga u la lieh, wat iehnoh ïa nga, A Blei! to long bad nga katba nga pynbna ïa ka bor bad ka jingkhlaiñbor jong me ha ki pateng baroh ki ban sa wan.

JINGKHEIÑ 27:17

bad uba lah ban ai hukum ïa ki ha ka madan thma, khnang ba u paidlang jong me un ym long kum ki langbrot kiba khlem nongsharai.”

2 TIMOTHI 4:6

Na ka bynta jong nga, ka por ka la poi ïa nga ban shah kñia; ka por ka long mynta ïa nga ban iehnoh ïa kane ka jingim.

JOSHUA 23:1

Kham slem hadien kane, U Trai u la ai ha ki Israel ka jingïada na ki nongshun sawdong jong ki. Ha kata ka por u Joshua u la tymmen bha,

JOSHUA 23:2

kumta u khot ïa ki Israel baroh, ki tymmen ki san, ki nongïalam, ki nongbishar, bad ki rangbah pynïaidkam jong u paidbah, bad u ong, “Nga la tymmen bha mynta.

2 PETROS 1:14

Nga tip ba shen ngan sa iehnoh ïa kane ka met bapyut kumba U Jisu Khrist U Trai jong ngi u la ïathuh shai ha nga.

1 SAMUEL 2:22

U Eli mynta u la tymmen bha. U la ju ïohsngew ïa kiei kiei baroh ba ki khun shynrang jong u ki la leh ïa ki Israel, bad ba ki la ju ïathiah ruh bad ki kynthei kiba trei ha ka khyrdop ka Ïingjaiñ Ka Jingdon Ryngkat U Trai.

1 SAMUEL 2:29

Balei mynta pat, me da kwah rhah sa ïa ki jingkñia bad ki jingainguh ba nga dawa na la ki briew? Balei Eli ba me kham ai burom ïa la ki khun shynrang ban ïa nga da kaba me shah ba kin pynsngaid ïa lade da ki bynta kiba bha tam na ki jingkñia ba ki briew ki ai ha nga?

1 SAMUEL 3:10

Te U Trai u wan bad u ïeng hangta, bad u khot kum mynshuwa, “Samuel! Ko Samuel!” U Samuel u jubab, “To kren; u shakri jong me u shahshkor.”

1 SAMUEL 3:13

Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.

1 SAMUEL 3:16

U Eli u la khot ïa u, “Ko Samuel, ko khun jong nga!” “Oi, kynrad,” u Samuel u jubab.

1 SAMUEL 8:1

Haba u Samuel u la tymmen, u thung nongbishar ïa ki khun shynrang jong u ha Israel.

1 SAMUEL 8:20

khnang ba ngin long kum kiwei pat ki jaitbynriew, ba u syiem jong ngi hi un synshar ïa ngi, un ïalam ïa ngi sha ka thma, bad un ïaleh ïa ki thma jong ngi.”

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.

1 SAMUEL 8:5

bad ki ong ha u, “Peit, phi te mynta phi la tymmen, bad ki khun jong phi kim shym bud ïa ka nuksa jong phi. Kumta, thung noh da u syiem ban synshar halor jong ngi, ba kumta ngin don noh la u Syiem kumba kiwei pat ki ri ki don.”