1 SAMUEL 12:18 - Khasi CL Bible (BSI)

¹⁸ Kumta u Samuel u la duwai, bad U Trai u phah ïa u pyrthat bad u slap ha kata ka sngi. Te uta u paidbah baroh u la sheptieng ïa U Trai bad ïa u Samuel,

KA BAIBL

¹⁸ Kumta u Samuel u la khot kyrpad ha U Trai; te U Trai u la phah ïa u pyrthat bad u slap ha kata ka sngi: bad u paidbah baroh u la sheptieng shikatdei ïa U Trai bad ïa u Samuel.

1 SAMUEL 12:18 ပူးပေါင်းရင်းမြစ်များ

1 SYIEM 18:42

Katba u Ahab u dang leit ban bam, u Elijah u kiew sha u lum Karmel, u dem khrup ha khyndew, u da buh ïa la ka khlieh hapdeng ki khohsiew jong u.

ESRA 10:9

Hapoh lai sngi, ha ka sngi kaba arphew jong u bnai uba khyndai, baroh ki rangbah kiba shong basah ha ki ri ka Judah bad Benjamin ki la wan sha Jerusalem bad ki la ïalumlang ha ka phyllaw jong ka Templ. Ka la don ka jingslap kaba jur, bad namar ka jinglong jong ka suiñbneng bad ka jingkhia jingmut jong ka jingïalang, baroh ki la ïakyiuh.

Ka Kitab U Job 37:13

U Blei u phah ïa u slap ban ai um ïa ka khyndew; u lah ban phah ïa u ban pynshitom ïa ngi, lane ban pyn-i ïa ka jingsngewbha jong u.

SALM 99:6

U Moses bad u Aaron ki la long ki lyngdoh jong u, bad u Samuel u la long uwei uba la duwai ha u; kiba la khot kyrpad ïa U Trai, bad u la jubab ïa ki.

EKSODOS 14:31

Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

JOSHUA 10:12

Ha ka sngi kaba U Trai u ai jingjop ïa ki Israel halor ki Amor, u Joshua u kren ha U Trai. Ha khmat ki Israel u ong, “Ko Sngi, to ïeng thik halor ka Gibeon, Ko Bnai, to sangeh ha ka Them Aijalon.”

JOSHUA 4:14

Kaei kaba U Trai u la leh ha kata ka sngi, ka la pynlong ïa ki paid Israel ban ñiew ïa u Joshua u riewkhraw. Ki burom ïa u shi lynter ka jingim jong u, kumba ki la burom ïa u Moses.