1 SAMUEL 12:15 - Khasi CL Bible (BSI)

¹⁵ Hynrei lada phim shahshkor ïa U Trai bad phim kohnguh ïa ki hukum jong u, un long pyrshah ïa phi bad ïa u syiem jong phi.

KA BAIBL

¹⁵ hynrei, lada phin ym sngap ïa ka ktien U Trai, hynrei, phin ïaleh pyrshah ïa ka hukum U Trai, kumta ka kti U Trai kan long pyrshah ïa phi, kumba ka la long pyrshah ïa ki kpa jong phi.

1 SAMUEL 12:15 ပူးပေါင်းရင်းမြစ်များ

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

ISAÏAH 1:20

Hynrei lada pha leh pyrshah ïa nga, pha long kaba la shah tim ban ïap. Ma nga, U Trai, nga la kren.”

ISAÏAH 3:11

Hynrei ki briew kiba sniew ki long kiba la tim; kaei kaba ki la leh ïa kiwei mynta yn leh ïa ka ha ki.

SNGEWSYNEI 1:18

“Hynrei U Trai u long uba hok, namar ngam shym la kohnguh ïa u. To shahshkor ïa nga, ko ki briew hangno hangno; to khmih ïa nga ha ka jingpang jong nga. Ki samla shynrang bad kynthei jong nga ki la shah ringmraw noh.

DEUTERONOMI 31:27

Nga tip haduh katno phi long kiba mutlop bad kiba ïaleh pyrshah. Phi la ïaleh pyrshah ïa U Trai mynba nga dang im, bad ynda nga la ïap lei lei, phin nang kham ïaleh pyrshah ïa u.

JOSHUA 24:20

Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”

NONGBISHAR 2:15

Man ka por ba ki leit sha ka thma, U Trai u long pyrshah ïa ki, kumba u la lah ong ba un leh kumta. Ki la don ha ka jingkhuslai bakhraw.

1 SAMUEL 12:9

Hynrei ki briew ki la klet noh ïa U Trai U Blei jong ki, bad kumta u la shah ïa ki Philistia bad ïa u syiem Moab bad ïa u Sisera, u rangbah ka kynhun shipai ka nongbah Hasor, ban ïaleh pyrshah ïa ki kpa tymmen jong phi bad ban jop ïa ki.

1 SAMUEL 5:9

Hynrei ynda ka la poi hangta, U Trai u pynshitom sa ïa kata ka nongbah ruh bad u pynkhih kulmar ïa ka. U pynshitom ïa ki da ki jingpang thung kiba mih ha baroh ki briew jong ka nongbah, ki samla bad tymmen kumjuh.