1 SAMUEL 12:14 - Khasi CL Bible (BSI)

¹⁴ Lada phi tiengburom ïa U Trai, phi shakri ïa u, phi shahshkor ïa u, bad phi kohnguh ïa ki hukum jong u, bad lada ma phi bad u syiem uba synshar ïa phi, phi bud ïa U Trai U Blei jong phi, baroh kan manbha bad phi.

KA BAIBL

¹⁴ Lada phin sheptieng ïa U Trai, bad shakri ïa u, bad sngap ïa ka ktien jong u, bad phin ym ïaleh pyrshah ïa ka hukum U Trai, kumta ma phi bad uta u syiem ruh uba synshar halor jong phi phin long ki nongbud ïa U Trai uba U Blei jong phi:

1 SAMUEL 12:14 ပူးပေါင်းရင်းမြစ်များ

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

SALM 105:28

U Blei u la phah ïa ka jingdum ha ka ri, hynrei ki nong Ijipt kim shym la kohnguh ïa ka hukum jong u.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

SNGEWSYNEI 1:18

“Hynrei U Trai u long uba hok, namar ngam shym la kohnguh ïa u. To shahshkor ïa nga, ko ki briew hangno hangno; to khmih ïa nga ha ka jingpang jong nga. Ki samla shynrang bad kynthei jong nga ki la shah ringmraw noh.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

DEUTERONOMI 13:5

Hynrei pynïap ïa uno uno u nongïathuhlypa lane uno uno u nongbatai ïa ki jingphohsniew uba ong ïa phi ban ïaleh pyrshah ïa U Trai, uba la pyllait ïa phi na ka ri Ijipt, ha kaba phi la long ki mraw. Kum uta u briew u long uba bymman bad u pyrshang ban khring noh ïa phi na kata ka rukom im ba U Trai u la hukum ïa phi. Ïa une dei ban pynïap, khnang ba phin lah ban pyllait ïa lade na kane ka jingbymman.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

JOSHUA 24:20

Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”