1 SAMUEL 11:13 - Khasi CL Bible (BSI)

¹³ Hynrei u Saul u ong, “Ym dei ban pynïap ïano ïano ha kane ka sngi, naba kane ka dei ka sngi ba U Trai u la pyllait im ïa ki Israel.”

KA BAIBL

¹³ Te u Saul u la ong, “Yn ym pynïap ïano ïano ha kane ka sngi: naba ha kane ka sngi, U Trai u la pynlong ka jingpynim ha Israel.”

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Hynrei u Dabid u ong ïa u Abishai bad ïa u Joab, u para jong u, “Mano ba pan ïa ka jingmut na phi? Hato phi thmu ban pynwit ïa nga? Mynta, nga dei ma nga u Syiem jong ka Israel bad ha kane ka sngi yn ym pynïap ïa uno uno ruh u Israel.”

2 SAMUEL 19:23

Bad u ong ha u Shimei, “Nga khlei la ka jubanlak ha phi ba phin ym shah pynïap.”

2 SAMUEL 23:10

Ki Israel ki la kynran dien, hynrei u la ïeng skhem bad u la ïaleh ïa ki Philistia haduh ba ka kti jong u ka la pyrkhing haduh katta katta ha kaba um lah shuh ban pyllait ïa la ka waitlam. U Trai u la jop ka jingjop kaba khraw ha kata ka sngi. Hadien ba ka la kut, ki Israel ki la wan phai sha ka jaka kaba u Eleasar u don bad ki la sloit ïa ki jingkieng atiar na kiba la ïap.

EKSODOS 14:13

U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 14:30

Ha kata ka sngi U Trai u pyllait im ïa ki Israel na ki Ijipt, bad ki Israel ki ïohi ïa ki ba ki thiah ïap harud duriaw.

ISAÏAH 59:16

U lyngngoh ban ïohi ba ym don mano mano ban ïarap ïa kiba shah banbeiñ. Kumta un pyndonkam ïa la ka jong ka bor ban pyllait im ïa ki bad wanrah ïa ka jingjop.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

1 SAMUEL 10:27

Hynrei don ki riewkai kiba ong, “Kumno da kum une u briew u lah ban lehbha ïa ngi?” Ki ibeiñ ïa u Saul bad kim shym wanrah ïa u kano kano ka jingai sngewbha.

1 SAMUEL 14:45

Hynrei ki paidbah ki ong ha u Saul, “Hato u Jonathan, uba la jop ka jingjop kaba khraw na ka bynta ki Israel, un shah pynïap? Em! Ngi kular ha U Trai uba im ba uwei u shñiuh na ka khlieh jong u ruh un ym hap ha khyndew. Kaei kaba u la leh ha kane ka sngi la leh da ka jingïarap jong U Blei.” Kumta ki paidbah ki la pyllait im ïa u Jonathan na kaba shah pynïap.

1 SAMUEL 19:5

U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”