1 SAMUEL 10:24 - Khasi CL Bible (BSI)

²⁴ U Samuel u ong ha uta u paidbah, “Hangne u long uta u briew uba U Trai u la jied. Ym don uba kum ma u hapdeng jong ngi.” Baroh u paidbah u risa, “To un im slem u syiem!”

KA BAIBL

²⁴ Bad u Samuel u la ong ha kita ki briew baroh, “Phi ïohi ïa uba u la jied U Trai, ba ym don uba kum ma u hapdeng ki briew baroh?” Te kita ki briew baroh ki la ïarisa, bad ki la ïa-ong, “To un im u syiem.”

1 SAMUEL 10:24 ပူးပေါင်းရင်းမြစ်များ

2 SAMUEL 16:16

Haba u Hushai, u paralok bajan jong u Dabid, u la ïakynduh ïa u Absalom, u la pyrta, “To u syiem un im slem! To u syiem un im slem!”

2 SAMUEL 21:6

Kumta aiti ha ngi hynñiew ngut na ki khun ki ksiew shynrang jong u, bad ngin phasi ïa ki ha khmat U Trai ha Gibeah, ka shnong trai jong u Saul, u syiem ba la jied da U Trai.” “Ngan aiti ïa ki,” u syiem u ong.

1 SYIEM 1:21

Lada phim leh kumta, tang mar ïa-ïap ma phi, u Solomon, u khun jong nga bad ma nga ngin shah ñiew kum ki nongshetkylla.”

1 SYIEM 1:25

Ha kane hi ka sngi u la leit ai jingkñia da shibun ki masi, ki langbrot, bad ki khun masi ba la pynsngaid. U la khot sngewbha ïa ki khun shynrang jong phi baroh, ïa u Joab u rangbah ai hukum jong ka kynhun shipai jong phi, bad ïa u Abiathar u lyngdoh, bad mynta hi ki dang ïabam ïadih bad u bad ki pyrta, ‘Im slem Syiem Adonijah!’

1 SYIEM 1:34

ha kaba u Sadok bad u Nathan ki dei ban pynsleh ïa u kum u syiem Israel. Nangta put ïa ka turoi bad pyrta, ‘Im slem Syiem Solomon!’

1 SYIEM 1:39

U Sadok u shim ïa ka jingbuh umphniang Olib kaba u la wanrah na ka Ïingjaiñ Ka Jingdon Ryngkat U Trai, bad u la pynsleh ïa u Solomon. Ki la put ïa ka turoi, bad ki paidbah baroh ki pyrta, “Im slem Syiem Solomon!”

2 SYIEM 11:12

Nangta u Jehoïada u ïalam ïa u Joash shabar, u buh ïa ka pansngiat ha ka khlieh jong u, bad u ai ha u ïa ka kopi jong ki aiñ ba pynïaid ïa ka jinglong syiem. Nangta ïa u Joash la pynsleh syiem bad la pynbna kum u syiem. Ki paidbah ki thab ïa la ki kti bad ki ïarisa, “Im slem ko syiem!”

2 KHRONIKL 23:11

Nangta u Jehoïada u ïalam shabar ïa u Joash, u buh ïa ka pansngiat halor ka khlieh jong u, bad u ai ha u ïa ka kopi jong ki aiñ kiba ïadei bad ka jingsynshar. U Jehoïada u lyngdoh bad ki khun shynrang jong u ki pynsleh ïa u Joash, bad uwei pa uwei u pyrta: “To un im slem u syiem.”

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

DEUTERONOMI 17:15

Da kynmaw ba u briew uba phi jied ban long u syiem u dei ban long uta ïa uba U Trai hi u la jied. U dei ban long na ka jait ka kynja jong phi hi; wat jied syiem ïa u nongwei.

1 SAMUEL 11:15

Kumta ki ïaleit baroh sha Gilgal, bad hangta ha ka jaka kyntang ki pynbna ba u Saul u long u syiem. Ki kñia ïa ki jingainguh ïasyllok, bad u Saul bad ki paid Israel baroh ki ïalehkmen ha kane ka jingjia.

1 SAMUEL 12:1

Nangta u Samuel u ong ha ki paid Israel, “Nga la leh ïa kaba phi la ong ïa nga ban leh. Nga la ai ïa phi u syiem ban synshar ïa phi,

1 SAMUEL 12:13

“Mynta hangne u don u syiem uba phi la jied; phi la pan ïa u, bad mynta U Trai u la ai ïa u ha phi.

1 SAMUEL 9:2

U don u khun shynrang uba kyrteng u Saul, u samla uba bhabriew ha ka por samla bha. U Saul u long uba jrong bha ban ïa uno uno ha Israel bad u long ruh uba kham bhabriew.