1 SAMUEL 10:11 - Khasi CL Bible (BSI)

¹¹ Ki briew kiba ithuh ïa u mynshuwa haba ki ïohi ïa u ba u leh ïa kane ki ïakylli para ma ki, “Kaei kane kaba la wan jia ïa u khun jong u Kish? Hato, u Saul ruh u la long nongïathuhlypa?”

KA BAIBL

¹¹ Te baroh kiba ju ithuh ïa u mynshuwa ki la ïohi, te ha khmih, u ïathuhlypa hapdeng kita ki nongïathuhlypa, te kita ki briew ki la ïakren paralok, “Kaei kane kaba la wan jia ïa u khun u Kish? Pleng u Saul ruh u don hapdeng ki nongïathuhlypa?”

1 SAMUEL 10:11 ပူးပေါင်းရင်းမြစ်များ

AMOS 7:14

U Amos u jubab, “Ngam dei kum uta u jait nongïathuhlypa, uba ïathuhlypa na ka bynta ban ïoh jingsiew. Nga dei u nongri jingri, bad nga sumar ïa ki dieng Dumbur.

AMOS 7:15

Hynrei U Trai u la shim ïa nga na ka kam kum u nongaplangbrot bad u la hukum ïa nga ban wan bad ïathuhlypa ha ki briew jong u ki Israel.

ÏOANNIS 7:15

Ki nongsynshar jong ki Jiw ki la lyngngoh haduh katta katta bad ki la ong, “Kumno une u briew u tip katne katne haba um pat ju ïoh jinghikai ei ei?”

KI KAM 3:10

bad haba ki la ithuh ïa u kum u nongkhrong uba la ju shong ha ka Khyrdop Ba-itynnat, baroh ki la kyndit bad lyngngoh ïa kaei kaba la lah jia ha u.

KI KAM 4:13

Ki dkhot jong ka Dorbar ki la sngewlyngngoh ban ïohi kumno u Petros bad u Ïoannis ki la long kiba shlur bad ban tip ba ki long ki riewpaidbah ki bymnang bymstad. Ki la sngewthuh te ba ki la long ki nongsynran jong U Jisu.

KI KAM 9:21

Baroh kiba la ïohsngew ïa u ki la sngewlyngngoh bad ki la kylli, “Hato une um dei uto uba ha Jerusalem u la pynïap ïa kito kiba mane ïa uta U Jisu? Bad hato um shym wan hangne na ka bynta kajuh ka jingthmu ban kem ïa kito ki briew bad ban ïalam pat ïa ki sha ki rangbah lyngdoh?”

1 SAMUEL 19:24

U loit noh ïa la ki jaiñ bad u shad bad risa ha khmat u Samuel, bad u thiah lyngkhuit ha kata ka sngi baroh shi sngi bad ha kata ka miet baroh shi miet. (Ha kane ka rukom la mih ka jingong, “Hato wat u Saul ruh u la kylla long u nongïathuhlypa?”)