1 SAMUEL 1:8 - Khasi CL Bible (BSI)

⁸ U Elkanah u tnga jong ka u kylli ïa ka, “Hannah, balei ba phi da ïam? Balei ba phim bam ei ei? Balei ba phi shu sngewsih sah? Hato ngam kham lah ma nga ha phi ban ïa shiphew ngut ki khun shynrang?”

KA BAIBL

⁸ Te u Elkanah u tnga jong ka u la ong ha ka, “Ko Hannah, balei pha ïam? balei ruh pham bam jingbam? balei pha khuslai ruh ha la ka dohnud? nga ngam long kham bha ïa pha ban ïa shiphew ngut ki khun shynrang?”

1 SAMUEL 1:8 ပူးပေါင်းရင်းမြစ်များ

2 SYIEM 8:12

“Balei kynrad phi ïam?” u Hasael u kylli. U Elisha u jubab, “Namar ba nga tip ïa kiei kiei kiba shyrkhei kiba men leh pyrshah ïa ki paid Israel.” “Men sa wiang ding ïa ki kut jong ki, men sa pynïap ïa ki rangsamla bakynsai jong ki, men sa lynthaw ïa ki khun rit jong ki ha ban da ïap, bad men sa patar ïa ki kynthei jong ki kiba armet.”

Ka Kitab U Job 6:14

Ha ka jingjynjar kum kane nga donkam ïa ki paralok bashisha — la nga la klet ne khlem klet ïa U Blei.

SALM 43:4

Te ngan leit sha ka duwan jong me, A Blei; me long ka thymmei jong ka jingkmen jong nga. Ngan tem ïa ka duitara jong nga bad rwai ka jingïaroh ïa me, A Blei, U Blei jong nga.

ISAÏAH 54:1

Ko Jerusalem, pha la long kum ka briew ka bym don khun, hynrei mynta pha lah ban rwai bad risa da ka jingkmen. Mynta phan sa ïoh kham bun ki khun ban ïa ka briew kaba u tnga jong ka um ju iehnoh ïa ka!

ISAÏAH 54:6

Ko Israel, pha long kum ka tnga ba dang kham samla, ba la iehnoh da u tnga jong ka bad ba sngew jynjar sat. Hynrei U Trai u khot pat ïa pha bad u ong:

ÏOANNIS 20:13

“Ko kynthei, balei pha ïam?” ki la ïakylli ïa ka. Ka la jubab, “Ki la rah noh ïa U Trai jong nga, bad ngam tip shano ki la buh ïa u!”

ÏOANNIS 20:15

“Ko kynthei, balei pha ïam?” U Jisu u la kylli ïa ka, “Ïano pha wad?” Ka la nang pyrkhat ba u la dei u nongsumar kper, kumta ka la ong ha u, “Lada me la rah noh ïa u, ko kynrad, to ïathuh ïa nga hangno me la buh ïa u, bad ngan ïoh leit bad shim ïa u.”

1 THESSALONI 5:14

Ngi kyntu ïa phi, ko parabangeit jong ngi, ban maham ïa kiba jaipdeh, ban pynshlur ïa kiba khawpud, ban ïarap ïa kiba tlot, ban ïaishah ïa baroh.

RUTH 4:15

Ka pyrsa kurim jong phi ka ieit ïa phi, bad ka la leh kham bun na ka bynta jong phi ban ïa ki hynñiew ngut ki khun shynrang. Bad mynta ka la ai ha phi u khun ksiew, u ban wallam ka jingim thymmai ha phi bad ai ha phi ka jingshngain ha ka rta tymmen jong phi.”

1 SAMUEL 1:7

Kane ka ïailong na ka snem sha ka snem; man ka por ba ki leit sha ka ïing U Trai, ka Peninnah ka ju pynsngewsih palat ïa ka Hannah, haduh ba kan da ïam bad kam treh ban bam ei ei.