1 SAMUEL 1:28 - Khasi CL Bible (BSI)

²⁸ Namarkata, nga aiti noh ïa u ha U Trai. Katba u dang im, un long u jong U Trai.” Te ki ïanguh ïadem ïa U Trai hangta.

KA BAIBL

²⁸ Namar kata, nga ruh nga la ai noh ïa u ha U Trai; baroh ki sngi ka rta jong u, la ai noh ïa u ha U Trai.” Bad u la mane ïa U Trai hangta.

1 SAMUEL 1:28 ပူးပေါင်းရင်းမြစ်များ

JENESIS 24:26

Kumta uta u briew u la dem khohsiew bad mane ïa U Trai.

JENESIS 24:48

Nga la dem khohsiew bad mane ïa U Trai. Nga ïaroh ïa U Trai, U Blei jong u kynrad jong nga u Abraham, uba la ïalam beit ïa nga sha u kur u jait jong u kynrad jong nga, ha kaba nga la shem ïa ka khun jong u na ka bynta u khun jong u kynrad jong nga.

JENESIS 24:52

Haba u shakri jong u Abraham u la ïohsngew ïa kane, u dem ngon bad u mane ïa U Trai.

PROBERB 31:2

“Phi long u khun ba-ieit jong nga, ka jubab ïa ki jingduwai jong nga. Kaei ngan ïathuh ïa phi?

JINGKHEIÑ 6:8

Katba u dang long u Nasir, u long uba la pynkyntang sha U Trai.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

NONGBISHAR 7:15

Haba u Gideon u ïohsngew shaphang ka jingphohsniew jong uta u briew bad ba ka mut kumno, u dem khohsiew khrup bad u mane ïa U Trai. Nangta u leit phai pat sha ka jaka sher dara ki Israel, bad u ong, “Khie joit! U Trai u ai ha phi ka jingjop halor ka kynhun shipai jong ki Midian!”

1 SAMUEL 1:11

Ka Hannah ka pynlong ka jingsmai kyntang, “A Trai Badonbor Baroh, to khmih ïa nga ka shakri jong me! To peit ïa ka jingkordit jong nga bad kynmaw ïa nga! To wat klet ïa nga! Lada men ai khun shynrang ïa nga, nga kular ba ngan aiti ïa u sha me baroh shi rta ka jingim jong u, bad da lei lei yn ym khap ïa u shñiuh jong u.”

1 SAMUEL 1:22

Hynrei ha kata ka kynti ka Hannah kam shym la leit. Ka ong ha la u tnga, “Nga tang shu pyniehnoh buiñ ïa u, ngan wan ïalam ïa u sha ïing U Trai, bad hangta un shong baroh shi rta.”

1 SAMUEL 2:11

Nangta u Elkanah u leit phai sha la ïing ha Ramah, hynrei u khynnah Samuel u sah ha Shiloh bad u shakri ïa U Trai ha ka jingïalam u Eli u lyngdoh.

1 SAMUEL 2:20

Nangta u Eli u ju kyrkhu ïa u Elkanah bad ka tnga jong u, bad u ong ha u Elkanah, “To U Trai un ai shuh ki khun ïa phi na kane ka briew ha ka jaka uta uba phi la aiti sha u.” Hadien kata ki sa leit phai sha la ïing.

1 SAMUEL 28:2

“Da shisha” u Dabid u jubab, “Nga long u shakri jong phi bad phin sa ïohi da lade kaei ba nga lah ban leh.” U Akhish u ong, “Ka biang! Ngan pynlong ïa phi u nongïada jong nga shi rta.”